Мэдаль «Беларускія Вэтэраны на Чужыне»
Мэдаль «Беларускія Вэтэраны на Чужыне» — узнагарода зацьверджаная Прэзыдэнтам БЦР Радаславым Астроўскім для колішніх змагароў за волю Беларусі. Мэдаль быў зацьверджаны да 30-годзьдзя знаходжаньня БЦР у ЗША.
| Мэдаль «Беларускія Вэтэраны на Чужыне» | |
| Краіна |
.svg){kind=small} Беларуская Народная Рэспубліка |
|---|---|
| Тып | мэдаль |
| Каму ўручаецца | беларусам-прыхільнікам БЦР |
| Падставы ўзнагароджаньня | ўдзел у збройным змаганьні за дзяржаўную незалежнасьць Беларускай Рэспублікі |
| Статус | не ўручаецца |
| Статыстыка | |
| Дата заснаваньня | 10 кастрычніка 1976 году |
Мінуўшчына рэдагаваць
10 кастрычніка (паводле Мазырэца 10-14 кастрычніка) 1976 году Радаслаў Астроўскі (за тыдзень да сваёй сьмерці) зацьвердзіў тры ўзнагароды БКА. Трэцяй зь іх, паводле парадку пераліку, быў Мэдаль «Беларускія Вэтэраны на Чужыне».
Усе тыя ўзнагароды выкарыстоўваліся для ганараваньня беларусаў з шэрагу прыхільнікаў Беларускай Цэнтральнай Рады на эміграцыі. Разам з тымі мэдалямі выдаваліся дыплёмы. Мэдаль «Беларускія Вэтэраны на Чужыне» прызначаўся для «ўдзельнікаў збройнага змаганьня за дзяржаўную незалежнасьць Беларускай Рэспублікі».
Апісаньне рэдагаваць
Мэдаль меў жоўтую стужку, у цэнтры круглага знаку зьмяшчаўся шчыт з выявай шасьціканцовага крыжа й англамоўным напісам «B.V. in exile» (B.V. — Byelorussian Veterans, беларускія вэтэраны), а па канце — дзьве ляўравыя галінкі й тры зоркі ўверсе. На адваротным баку напіс у 5 радкоў: «Беларускія вэтэраны на чужыне БЦР». Вырабляўся мэдаль з бронзы.
Цікавінкі рэдагаваць
- Паасобнік Мэдаля «Беларускія Вэтэраны на Чужыне» захоўваецца ў Беларускім інстытуце навукі і мастацтва.