Маска́т (па-арабску: مسقط‎) — сталіца і найбуйнейшы горад Аману. Насельніцтва гораду поруч з прадмесьцямі налічвае блізу 1,45 мільёнаў чалавек паводле зьвестак на кастрычнік 2023 году[2]. Вядомы з пачатку I стагодзьдзя нашай эры як важны гандлёвы порт паміж захадам і ўсходам. Маскат кіраваўся рознымі мясцовымі плямёнамі, а таксама замежнымі дзяржавамі, як то Сасанідзкай, Партугальскай і Асманскай імпэрыямі ў розныя моманты сваёй гісторыі. У XVIII стагодзьдзі ўплыў гораду значна пашырыўся да Ўсходняе Афрыкі і Занзыбару. Як важны порт ў Аманскай затоцы Маскат заўжды прыцягваў замежных гандляроў і пасяленцаў, такіх як пэрсы, бэлуджы і сындгі. З пачаткам укаранаваньня султана Кабуса бэн Саіда ў 1970 годзе, Маскат перажыў хуткае разьвіцьцё інфраструктуры, што прывяло да росквіту эканомікі і будаўніцтва шматнацыянальнага грамадзтва. Маскат характарызуецца як бэта-горад у сыстэме глябалізацыі паводле некаторых дасьледваньняў[3].

Маскат
Краіна: Аман
Плошча:
  • 3500 км²
Насельніцтва:
Геаграфічныя каардынаты: 23°36′50″ пн. ш. 58°35′32″ у. д. / 23.61389° пн. ш. 58.59222° у. д. / 23.61389; 58.59222Каардынаты: 23°36′50″ пн. ш. 58°35′32″ у. д. / 23.61389° пн. ш. 58.59222° у. д. / 23.61389; 58.59222
Маскат на мапе Аману
Маскат
Маскат
Маскат
Галерэя здымкаў у Вікісховішчы
http://www.mm.gov.om/
Маскат.

Горы Гаджар дамінуюць над Маскатам. Сам горад месьціцца на Арабскім моры ўздоўж Аманскай затокі ў непасрэднай блізкасці ад стратэгічнай Армускай пратокі. Ляндшафт гораду фармуюць невысокія белыя будынкі, але порт на паўночна-ўсходнім ускрайку гораду мае іншую архітэктуру. У эканоміцы Маската пераважаюць гандаль, нафта, звадкаваны прыродны газ і портавыя паслугі.

Крыніцы рэдагаваць

Вонкавыя спасылкі рэдагаваць