Лютэранская кірха (Магілёў)
| Помнік сакральнай архітэктуры | |
Лютэранская кірха
| |
_(3).jpg) Лютэранская кірха
| |
| Краіна | Беларусь |
| Места | Магілёў |
| Каардынаты | 53°54′3.21″ пн. ш. 30°20′19.92″ у. д. / 53.9008917° пн. ш. 30.3388667° у. д.Каардынаты: 53°54′3.21″ пн. ш. 30°20′19.92″ у. д. / 53.9008917° пн. ш. 30.3388667° у. д. |
| Канфэсія | лютэранства |
| Эпархія | Магілёўская супэрінтэндацыя |
| Тып будынка | кірха |
| Архітэктурны стыль | клясыцызм |
| Дата заснаваньня | 1780 |
| Будаваньне | 1775—1780 гады |
Лютэранская кірха на мапе Беларусі   Лютэранская кірха | |
Лютэранская кірха — помнік архітэктуры апошняй траціны XVIII ст. у Магілёве. Знаходзілася на рагу Лютэранскага завулку і Ветранай вуліцы, насупраць мужчынскай гімназіі[a] пасярод сучаснага Лютэранскага сквэру. Твор архітэктуры клясыцызму. У 1930-я рокі савецкія ўлады зруйнавалі кірху.
Гісторыя рэдагаваць
_(2).jpg)
У 1775 року ў Магілёве (як і ў Полацку) узьнікла лютэранская грамада немцаў, дзеля якіх заснавалі лютэранскія (эвангеліцка-аўгсбурскія) кірхі[1]. Дазвол на пабудову кірхі ў Магілёве дала маскоўская гаспадыня Кацярына II. Яе загадам пад будынак кірхі выдзялілі адзін з будынкаў Ўрадавага сыноду Расейскай імпэрыі[2].
Будаваньне кірхі скончылася ў 1780 року. Уласна Кацярына II пры наведваньні Магілёва ў 1780 року ахвяравала на будаваньне кірхі 500 рублёў, тым часам Георгі Каніскі перадаў дзеля гэтых мэтаў ацалелыя элемэнты Спаскай царквы[3]
Кірха безь перапынку працавала да самога Кастрычніцкага перавароту. Да пачатку 1930-х рокаў кірха стаяла зачыненай, пакуль савецкія ўлады, відаць ў зьвязку з магчымым пераносам сталіцы ў Магілёў, не надумалі зьнішчыць кірху. У пачатку 1930-х рокаў кірху зьнішчылі, пазьней на гэтым месцы разьбілі сквэр.
Архітэктура рэдагаваць
Помнік архітэктуры клясыцызму. Гэта быў драўляны невялікіх памераў будынак, па-нямецку акуратна дагледжаны, увіты плюшчом. Асабліва маляўніча кірха выглядала ўлетку[4]
Глядзіце таксама рэдагаваць
Заўвагі рэдагаваць
- ^ Сёньня гэта будынак гандлёвага цэнтру «Аліса»