Кубак Гішпаніі па футболе
Кубак Гішпаніі па футболе (па-гішпанску: Copa del Rey) — штогадовы кубак Гішпаніі, які праходзіць ў фармаце алімпійскай сыстэмы. У спаборніцтве бяруць удзел 126 камандаў, уключаючы ўсе клюбы Ля Лігі. Ён лічыцца другім па значнасьці нацыянальным тытулам ў гішпанскім футболе пасьля чэмпіянату. Арганізатарам спаборніцтва зьяўляецца Каралеўская гішпанская футбольная фэдэрацыя.
| Кубак Гішпаніі па футболе | |
| Заснаваны | 1902 |
|---|---|
| Колькасьць камандаў | 126 |
| Дзейны чэмпіён | Атлетык — 24-ы тытул (2023—2024) |
| Найбольш пасьпяховы клюб | Барсэлёна — 31 тытул |
 Сэзон 2023—2024 гадоў | |
З моманту свайго заснаваньня кубак некалькі разоў зьмяняў назву; сучасная назва Каралеўскі кубак (гішп. Copa del Rey) выкарыстоўваецца з 1977 году. Усяго 14 клюбаў валодалі калі-небудзь кубкам; найбольш тытулаваным клюбам ёсьць «Барсэлёна» з 31-м тытулам, затым ідзе «Атлетык Більбао» (24 тытулы) і мадрыдзкі «Рэал» з 20-ю перамогамі. Пераможца турніру ўдзельнічае ў Лізе Эўропы й матчах за Супэркубак Гішпаніі перад пачаткам наступнага сэзону.