Конрад Мягі

Конрад Вільгэльм Мягі (па-эстонску: Konrad Vilhelm Mägi; 1 лістапада 1878, Тартумаа, Эстонія — 15 жніўня 1925, Тарту, Эстонія) — эстонскі мастак, майстар краявідаў.

Конрад Мягі
Імя пры нараджэньні	Konrad Vilhelm Mägi
Дата нараджэньня	1 лістапада 1878
Месца нараджэньня	Тартумаа, Эстонія
Дата сьмерці	15 жніўня 1925 (46 гадоў)
Месца сьмерці	Тарту, Эстонія
Занятак	пэйзаж, партрэт
Жанры	партрэт
Плынь	экспрэсіянізм
Конрад Мягі ў Вікісховішчы

Біяграфія

Конрад нарадзіўся 1 лістапада 1878 году ля Тарту. Пачаў вучыцца ў Тарту на курсах маляваньня Таварыства нямецкіх рамесьнікаў. У 1903 годзе паступіў у Цэнтральную вучэльню тэхнічнага маляваньня імя Штыгліца ў Санкт-Пецярбургу, але вымушаны быў перапыніць вучобу з-за ўдзелу ў рэвалюцыйных падзеях 1905 году. Лета 1906 году мастак правёў на Аляндзкіх астравах, маляўнічая прырода якіх натхніла яго на стварэньне пэйзажаў.

У 1907 годзе Мягі пераехаў у Парыж, а ў пэрыяд з 1908 па 1910 гады мастак знаходзіўся ў Нарвэгіі, адкуль зноў зьехаў у сталіцу Францыі. У 1910 годзе ўпершыню пазнаёміў Эстонію са сваімі працамі, даслаўшы з Нарвэгіі некалькі карцінаў, як то «Нарвэскі пэйзаж з хвояй», «Нарвэскі пэйзаж» і іншыя.

У 1912 годзе вярнуўся на радзіму ў Эстонію. Лета 1913 і 1914 гадоў правёў на востраве Саарэмаа, дзе дарэчы намаляваў карціну «Марская капуста». Мягі быў адным з заснавальнікаў і натхняльнікаў Тартускага мастацкага таварыства «Палас» (эст. Pallas), а затым — і мастацкай школы пад тым жа назовам.

Мэдаль Конрада Мягі

Мэдалём Конрада Мягі ўзнагароджваецца штогод найлепшы жывапісец Эстоніі.

Галерэя

• 
  Maastik. 1920-1921
• 
  Sügismaastik. 1915-1917
• 
  Norra maastik. 1908-1910
• 
  Obersdorfi maastik. 1922-1923

Вонкавыя спасылкі

Конрад Мягі — сховішча мультымэдыйных матэрыялаў

• Конрад Мягі
• Віртуальны музэй