Дывізіён караблёў

Дывізі́ён карабл́ёў — пастаяннае фармаваньне на флёце, першаснае тактычнае злучэньне аднародных караблёў 2-га, 3-га і 4-га рангаў.

Дывізіён пагранічных караблёў, 2010 год.

Назва дывізіёну прысвойваецца зыходзячы з прызначэньня ўваходзячых у яго караблёў:

• дывізіён эскадраных мінаносцаў (эсьмінцаў)
• дывізіён вартавых караблёў (вартавік)
• дывізіён малых ракетных караблёў
• дывізіён базавых тральшчыкаў
• і гэтак далей.

Дывізіёны караблёў 4 рангу могуць падзяляцца на зьвёны і атрады.

Камандаваньне дывізіёнам ажыцьцяўляецца праз штатны орган кіраваньня.

Дывізіёны могуць быць асобнымі ці ўваходзіць у склад брыгад караблёў.

Колькасьць караблёў у дывізіёнах можа істотна адрозьнівацца. Як правіла, яна залежыць ад прызначэньня дывізіёну караблёў, тактыкі іх дзеяньняў і ўзбраеньня. У дывізіёны зводзяцца як караблі, так і дапаможныя судны: танкеры, выратавальныя і гідраграфічныя судны, плывучыя казармы і гэтак далей.

Літаратура

• Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн.: БелЭн, 1998. — 576 с.: іл., с.274