Дзьмітры Бага

беларускі футбаліст

Дзьмі́тры Ба́га (нарадзіўся 4 студзеня 1990 году, Менск, БССР) — беларускі футбаліст, гуляе ў паўабароне берасьцейскага «Дынама». Раней прыцягваўся да нацыянальнай зборнай Беларусі, але вялікай колькасьці матчаў не згуляў.

Дзьмітры Бага
Пэрсанальная інфармацыя
Нарадзіўся 4 студзеня 1990(1990-01-04)[1][2][3] (34 гады)
Рост 185 см
Вага 77 кг[4]
Пазыцыя паўабаронца
Клюбы
Гады Клюб Гульні (галы)¹
2008—2015 БАТЭ 120 (18)
2016 Гапаэль Хайфа 14 (0)
2016—2017 Атромітас 26 (0)
2017—2020 БАТЭ 81 (6)
2021 Ліепая 21 (0)
2022 Гомель 16 (1)
2023 Дынама Берасьце 21 (2)
Зборныя
2008—2009 Беларусь (да 19)[d] 5 (0)
2009—2012 Беларусь (да 21) 25 (1)
2013—2019 Беларусь 3 (0)

Кар’ера рэдагаваць

Клюбная рэдагаваць

Выхаванец менскай школы «Зьмена», з 2007 году выступае за барысаўскі БАТЭ. У 2008 годзе дэбютаваў за асноўную каманду. З 2010 году стаў трывала трапляць ў асноўны склад барысаўскага клюбу. 10 красавіка 2012 году аформіў першы дубль у кар’еры, двойчы паразіўшы браму менскага «Дынама». 21 лютага 2013 году ў матчы ў адказ 1/16 фіналу розыгрышу Лігі Эўропы супраць турэцкага клюбу «Фэнэрбахчэ», Дзьмітры атрымаў чырвоную картку ўжо на 20 хвіліне матчу. Турэцкія гульцы атрымалі перамогу зь лікам 1:0, такім чынам працягнуўшы выступы ў эўракубках. Доўгі час выступаў як цэнтральны паўабаронца, а ў сэзоне 2013 году стаў часьцей выкарыстоўвацца на правым флянзе, пры гэтым першую палову чэмпіянату Бага выглядаў ня вельмі добра[5], аднак у канцы сэзону пачаў забіваць галы.

Сэзон 2014 году пачаў ак асноўны правы ўскрайні нападнік, але 5 красавіка ў матчы супраць «Менску» атрымаў траўму. 10 траўня ўсё яшчэ не гуляючы ў камандзе з-за траўмы Дзьмітры правёў матч БАТЭ супраць «Слуцку» ў якасьці дыктара на Барысаў-Арэне[6]. Вярнуўся на поле ў жніўні, але яшчэ значны час выходзіў на замену. Толькі ў канцы сэзону зноўку стаў зьяўляцца ў стартавым складзе. 9 лістапада 2014 году матч супраць «Нафтану» стаў сотым для гульца ў чэмпіянаце Беларусі[7].

Дзьмітры зьяўляецца аўтарам першага голу БАТЭ ў 2015 годзе, калі 21 сакавіка забіў мяч у паўфінале Кубка Беларусі гарадзенскаму «Нёману»[8].

У студзені 2016 году перайшоў у клюб «Гапаэль» з Хайфы, зь якім падпісаў кантракт на паўгоду з магчымасьцю падаўжэньня яшчэ на год[9]. У чэрвені 2016 году перайшоў у грэцкі клюб «Атромітас»[10]. У ліпені 2017 году вярнуўся ў барысаўскі БАТЭ[11]. Спачатку гуляў у стартавым складзе на пазыцыі правага абаронцы, а пазьней быў у асноўным выходзіць на замену. У сэзоне 2018 году быў трывалым гульцом першай адзінаццаткі. У сьнежні 2018 году склаў новы кантракт з БАТЭ[12]. У наступныя некалькі гадоў заставаўся гульцоў асноўнага складу барысаўскага клюбу. У студзені 2021 году зышоў з БАТЭ[13] і неўзабаве стаў гульцом латвійскай «Ліепаі»[14], дзе чаргаваў выхады ў стартавым складзе і на замену. Пакінуў клюб па заканчэньні кантракту ў сьнежні 2021 году[15].

У красавіку 2022 году далучыўся да «Гомлю»[16], дзе неўзабаве замацаваўся ў пачатковым складзе. З верасьня 2022 году не гуляў праз траўмы. Па заканчэньні сэзону 2022 году пакінуў гомельскі клюб[17][18]. У студзені 2023 году склаў працоўную ўгоду зь берасьцейскім «Дынама»[19].

Міжнародная рэдагаваць

Бага зьяўляецца бронзавым прызэрам моладзевага чэмпіянату Эўропы 2011 году, які праходзіў у Даніі. На турніры забіў адзіны мяч у браму гаспадароў турніру. Удзельнік Алімпійскіх гульняў 2012 году ў Лёндане. На турніры забіў гістарычны мяч у матчы супраць зборнай Новай Зэляндыі, які ёсьць першым зборнай на Алімпіядах, які, акрамя таго, стаў пераможным[20].

Дэбютаваў у нацыянальнай зборнай Беларусі 15 кастрычніка 2013 году ў таварыскай гульні супраць зборнай Японіі[21]. Пасьля гэтага доўгі час не выклікаўся ў зборную, але вярнуўся ў нацыянальную каманду ў 2018 годзе, згуляўшы яшчэ ў двух матчах.

Узнагароды і дасягненьні рэдагаваць

БАТЭ:

«Гомель:

Беларусь:

Статыстыка рэдагаваць

Клюб Сэзон Чэмпіянат
Дывізіён Матчы Галы
БАТЭ 2015 Найвышэйшая ліга 18 3
БАТЭ 2017 Найвышэйшая ліга 10 0
2018 Найвышэйшая ліга 26 3

Сям’я рэдагаваць

Дзьмітры ёсьць малодшым братам футбаліста і трэнэра Аляксея Багі.

Крыніцы рэдагаваць

  1. ^ а б в Dmitri Baga // Transfermarkt (мн.) — 2000.
  2. ^ а б в Dzmitry Baha // FBref.com (мн.)
  3. ^ а б в Dmitri Baga // As (гішп.)Madrid: Grupo Prisa, 1967. — ISSN 1888-6671
  4. ^ а б https://www.fcgomel.by/team/main-roster/dmitriy-baga/
  5. ^ Не катит. By.Tribuna.com (рас.)
  6. ^ БАТЭ — «Слуцк». Дмитрий Бага выступил диктором на «Борисов-Арене». By.Tribuna.com (рас.)
  7. ^ БАТЭ — «Нафтан». Бага провел 100-й матч в высшей лиге. By.Tribuna.com (рас.)
  8. ^ Гол Дмитрия Баги принес БАТЭ победу над «Неманом». «Прессбол» (рас.)
  9. ^ Дмитрий Бага подписал контракт с «Хапоэлем» из Хайфы (рас.)
  10. ^ Дмитрий Бага подписал контракт с «Атромитосом» (рас.)
  11. ^ БАТЭ объявил о подписании контракта с Дмитрием Багой (рас.)
  12. ^ Дмитрий Бага подписал новый контракт с БАТЭ
  13. ^ Дмитрий Бага покинул БАТЭ
  14. ^ Дмитрий Бага перешел в "Лиепаю"
  15. ^ Квартет белорусов покинул "Лиепаю"
  16. ^ "Гомель" объявил о подписании контракта с Дмитрием Багой
  17. ^ Наша команда отправилась в заслуженный отпуск (рас.). Афіцыйны сайт «Гомеля» (2022-11-30). Праверана 2023-01-20 г.
  18. ^ Дмитрий Бага покинул "Гомель" (рас.) Праверана 2023-01-20 г.
  19. ^ Брестское "Динамо" объявило о подписании контракта с Дмитрием Багой (рас.) Праверана 2023-01-20 г.
  20. ^ Минимально, но уверенно. Football.by (рас.)
  21. ^ Беларусь — Япония. Бага дебютировал в национальной команде. By.Tribuna.com (рас.)

Вонкавыя спасылкі рэдагаваць