Даніель Агер
Даніе́ль Мю́нтэ А́гер (па-дацку: Daniel Munthe Agger; нарадзіўся 12 сьнежня 1984 году, Відаўрэ, Данія) — дацкі футбаліст, які выступаў за нацыянальную зборную Данію на пазыцыі абаронцы. Агер зьяўляўся капітанам зборнай сваёй краіны. Вядомы дзякуючы выступам за ангельскі «Лівэрпул».
| Даніель Агер | ||
 | ||
| Пэрсанальная інфармацыя | ||
|---|---|---|
| Нарадзіўся | 12 сьнежня 1984 (39 гадоў) Відаўрэ, Данія | |
| Рост | 191 см | |
| Вага | 86 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2004—2006 2006—2014 2014—2016 |
Брэнбю Лівэрпул Брэнбю |
34 (5) 175 (9) 43 (2) |
| Зборныя | ||
| 2005—2016 | Данія | 75 (12) |
Кар’ера рэдагаваць
«Брэнбю» рэдагаваць
Агер быў названы самым пэрспэктыўным гульцом Даніі на працягу двух гадоў запар, у 2004 і 2005 гадох. Даніель далучыўся да «Брэнбю» ў 2004 годзе й дэбютаваў за свой новы клюб 25 ліпеня 2004 году ў матчы чэмпіянату супраць «Одэнсэ». Атрымаў свой шанец раней, чым чакалася, таму што дасьведчаны абаронца «Брэнбю» Андрэас Якабсан быў прададзены «Саўтгэмптану». Агер быў названы найлепшым гульцом «Брэнбю» ў трох гульнях запар, неўзабаве пасьля свайго дэбюту, ён замацаваўся ў першай камандзе ў 19-гадовым узросьце.
«Лівэрпул» рэдагаваць
Агер прагрэсаваў з тых часоў, і ня стаў сюрпрызам ягоны пераход у «Лівэрпул» пасьля 49 гульняў у складзе «Брэнбю». Агер хутка прыстасаваўся да гульні «Лівэрпулу», і ўжо ў хуткім часе Самі Хююпія саступіў яму месца ў асноўным складзе.
Дасягненьні рэдагаваць
«Брэдбю»:
- Чэмпіён Даніі: 2005
- Уладальнік Кубка Даніі: 2005
«Лівэрпул»:
- Уладальнік Супэркубка Ангельшчыны: 2006
- Уладальнік Кубка лігі Ангельшчыны: 2012
Асабістае жыцьцё рэдагаваць
Малодшы стрыечны брат Даніеля Мікалай Агер таксама зьяўляецца футбалістам і гуляе за «Сылькеборг». У траўні 2010 году, Агер абраўся шлюбам са сваёй сяброўкай Сафі Нэльсан. Пара правяла вясельле ў Капэнгагене[1]. Яны маюць двух сыноў, якіх клічуць Джэймі і Мэзан. Агер са сваім дзядзькам трымае паб у Даніі.
Крыніцы рэдагаваць
- ^ Jones, Laura (2010-05-18). «Liverpool FC's Daniel Agger weds girlfriend Sophie in Denmark as Arsenal's Nicklas Bendtner watches on». Liverpool Daily Post.
Вонкавыя спасылкі рэдагаваць
Даніель Агер — сховішча мультымэдыйных матэрыялаў