Віт́аль Венядзі́ктавіч Шчэ́рба (13 студзеня 1972, Менск) — беларускі гімнаст, шасьціразовы алімпійскі чэмпіён, адзін з найлепшых гімнастаў усіх часоў. Заслужаны майстар спорту СССР (1991), заслужаны майстар спорту Беларусі (1994).

Віталь Шчэрба
Дата нараджэньня 13 студзеня 1972 (52 гады)
Месца нараджэньня Менск, БССР
Занятак спартовы гімнаст
Узнагароды
Заслужаны майстар спорту СССР
Вікіпэдыя мае артыкулы пра іншых асобаў з прозьвішчам Шчэрба.

Віталь Шчэрба — чэмпіён XXV Алімпійскіх гульняў (1992, Гішпанія), бронзавы прызэр XXVI Алімпійскіх гульняў (1996, ЗША), 14-разовы чэмпіён сьвету, 10-разовы чэмпіён Эўропы. Пераможца Гульняў добрай волі (1990, ЗША), чэмпіён Унівэрсіядаў (1993, 1995).

У 1992 МАК узнагародзіў Шчэрбу прызам «Джэсі Оўэнса» як найлепшага спартоўца року. З 1993 інструктар па спорце Міністэрства спорту і турызму Беларусі, чалец нацыянальнай зборнай каманды па спартовай гімнастыцы.

З 1996 жыве ў ЗША (места Лас-Вэгас), мае ўласную гімнастычную школу; з 1998 — трэнэр зборнай ЗША па спартовай гімнастыцы.

Шчэрба скончыў сваю спартовую кар’еру ў 1997 пасьля пералому рукі, атрыманага з прычыны падзеньня з матацыкла.

Вонкавыя спасылкі рэдагаваць