Вера Глаголева

Вера Глаголева (31 студзеня 1956, Масква — 16 жніўня 2017, Бадэн-Бадэн, Нямеччына) — савецкая і расейская акторка тэатру і кіно, кінарэжысэрка, сцэнарыстка і прадусарка, Заслужаная артыстка Расеі (1995), народная акторка Расеі (2011).

Вера Глаголева
Вера Витальевна Глаголева
Дата нараджэньня	31 студзеня 1956
Месца нараджэньня	Масква, СССР
Дата сьмерці	16 жніўня 2017
Месца сьмерці	Бадэн-Бадэн, Нямеччына
Прычына сьмерці	Рак страўніка
Месца пахаваньня	Траякураўскія могілкі[d]
Грамадзянства	СССР, РФ
Занятак	акторка, рэжысэрка, сцэнарыстка, прадусарка
Гады дзейнасьці	1975 — 2017
Бацька	Vitaly Glagolev[d]
Маці	Galina Glagoleva[d]
Дзеці	Ганна Нахапетава[d] і Anastasia Shubskaya[d]
Узнагароды	Заслужаны артыст Расейскай Фэдэрацыі
IMDb	ID nm0321687
Вера Глаголева ў Вікісховішчы

У кіно дэбютавала ў 1975 годзе, пасьля заканчэньня школы — гэта быў фільм «На край сьвету» ​​рэжысэра Радзівона Нахапетава. Фільм атрымаў прыз на кінафэстывалі ў Любляне.

Неўзабаве выйшла замуж за Нахапетава і зьнялася яшчэ ў некалькіх карцінах мужа. Агулам зьнялася амаль у 50 фільмах, самыя вядомыя зь якіх — «Не страляйце ў белых лебедзяў», «Выйсьці замуж за капітана», «Нядзельны тата». За галоўную ролю ў фільме «Выйсьці замуж за капітана» (1985) Віталя Мельнікава атрымала званьне «Лепшай акторкі 1986 году» па выніках апытаньня часопісу «Советский экран».

У 1990 годзе дэбютавала як рэжысэр фільмам «Зламанае сьвятло», дзе згуляла галоўную ролю. Пасьля зьняла карціны «Заказ», «Чортава кола». Яе драма «Адна вайна» яшчэ да выхаду ў пракат заваявала больш за дзясятак кінапрэмій.

Апошняй карцінай Глаголевай стаў фільм «Дзьве жанчыны» па п’есе Івана Тургенева, зьняты ў 2014 годзе.

Другі муж Веры Глаголевай — расейскі бізнэсовец Кірыл Шубскі. Іх дачка Наста Шубская замужам за вядомым хакеістам Аляксандрам Авечкіным.