Амплітуда

Ампліту́да (ад лац. amplitudo — «шырыня») — найбольшае адхіленьне ад нулявога значэньня велічыні, якая ажыцьцяўляе пэрыядычныя ваганьні. Інакш кажучы, амплітуда вызначае размах ваганьняў. Вагальная велічыня дасягае свайго амплітуднага, то бок найбольшага, значэньня адзін раз цягам кожнага паўпэрыяду ваганьняў.

Сынусоіднае ваганьне. y — амплітуда хвалі

У гарманічных ваганьнях амплітуда зьяўляецца сталай велічынёй. Аднак тэрмін «амплітуда» часьцяком ужываюць у больш шырокам сэнсе — у адносінах да велічынь, якія зьмяняюцца паводле закону, больш ці менш блізкім да гарманічнага, як то амплітуда крывянога ціску, а часам да ваганьняў, ад гарманічных зусім далёкіх, як то амплітуда гадавой тэмпэратуры).

Амплітуда электрычнага напружаньня

Амплітуда электрычнага напружаньня ў стандартных сетках зьменнага току складае 317 Вольт. 220 Вольт — дзейнае значэньне напружаньня.

Глядзіце таксама

• Хваля
• Даўжыня хвалі
• Фаза ваганьняў
• Комплексная амплітуда
• Амплітудная мадуляцыя

Вонкавыя спасылкі

Амплітуда — сховішча мультымэдыйных матэрыялаў

• Universe of Light: What is the Amplitude of a Wave? University of California. 1996.