Бачнае выпраменьваньне: розьніца паміж вэрсіямі
крыніца — http://be.wikipedia.org/wiki/Бачнае_выпраменьванне?oldid=653427 |
(Розьніцы няма)
|
Вэрсія ад 23:36, 23 студзеня 2011
Бачнае выпраменьваньне або сьвятло[1] — электрамагнітныя хвалі, якія ўспрымае вока чалавека, і якія займаюць ўчастак спэктра з даўжынёй хвалі прыблізна ад 380 (фіялетавы) да 750 нм (чырвоны) (індывідуальныя межы ўспрыманьня крыху вагаюцца для кожнага чалавека). Такія хвалі займаюць частотны дыяпазон ад 400 да 790 тэрагерц.
Найбольшую адчувальнасьць да сьвятла чалавечае вока мае ў вобласьці 555 нм (540 ТГц), у зялёнай частцы спэктру. У спэктры ўтрымліваюцца ня ўсе колеры, якія адрозьнівае чалавечы мозг. Такіх адценьняў, як ружовы або маджэнт, няма ў спэктры бачнага выпраменьваньня, яны ўтвараюцца ад зьмешваньня іншых колераў.
Бачнае выпраменьваньне таксама трапляе ў «аптычнае акно» — вобласьць спэктра электрамагнітнага выпраменьваньня, што практычна не паглынаецца зямной атмасфэрай. Што тычыцца расьсейваньня, блакітнае сьвятло расьсейваецца на неаднароднасьцях атмасфэры мацней, чым сьвятло з большымі даўжынямі хваляў (у чырвоны бок спэктру), і таму дзённае неба выглядае блакітным.
Спэктр бачнага выпраменьваньня
Колер | Дыяпазон даўжынь хваляў, нм | Дыяпазон частот, ТГц | Дыяпазон энэргіі фатонаў, эВ |
---|---|---|---|
Фіялетавы | 380—440 | 790—680 | 2,82—3,26 |
Сіні | 440—485 | 680—620 | 2,56—2,82 |
Блакітны | 485—500 | 620—600 | 2,48—2,56 |
Зялёны | 500—565 | 600—530 | 2,19—2,48 |
Жоўты | 565—590 | 530—510 | 2,10—2,19 |
Памаранчавы | 590—625 | 510—480 | 1,98—2,10 |
Чырвоны | 625—750 | 480—405 | 1,68—1,98 |
Заўвагі
- ^ Бачнае сьвятло або проста сьвятло ў вузкім сэнсе слова.