Фэрэнц Ліст: розьніца паміж вэрсіямі

Ліст быў слаўным выканаўцам, вядомым па ўсёй [[Эўропа|Эўропе]] дзякуючы свайму фэнамэнальнаму [[піянізм]]у і неперавышанаму ўменьню арганізоўваць відовішчныя канцэртныя праграмы. Ф. Ліста лічаць адным з найвялікшых [[піяніст]]аў у гісторыі, нягледзячы на тое, што ніводнага [[Гуказапіс|запісу]] ігры Ліста не існуе. Уплыў фартэпіяннага стылю Ф. Ліста адчувальны дагэутль. Таксама Ф. Ліст зрабіў важкі ўклад у развіцьцё рамантычнай музыкі наогул, імя Ліста зьвязанае з вынаходніцтвам [[жанр]]у [[сымфанічная паэма|сымфанічнай паэмы]].

Ф. Ліст быў першым піяністам, які выступаў з сольнымі канцэртамі, якімі ён заслужыў прызнаньне як прафэсіяналаў так і шырокай публікі. У той жа час Ф. Ліст быў надзвычай велікадушным чалавекам — ён не шкадаваў часу і сродкаў, дапамагаючы ахвярам стыхійных бедстваў, сіротам, многіх таленавітых студэнтаў ён вучыў бясплатна. Таксама Ф. Ліст спрыяў фонду памяці [[Людвіг ван Бэтховэн|Бэтховэна]] і ахвяраваў значныя сродкі на адкрыцьцё кансэрваторыі ў [[Будапэшт]]у.

Вялікая колкасьць яго фартэпіянных твораў увайшла ў традыцыйны рэпэртуар, у прыватнасьці Вугорскія рапсодыі, Саната сі мінор і два фартэпіянных канцэрта. Таксама Ф. Ліст зрабіў шматлікія фартэпіянныя транскрыпцыі папулярных сцэнаў з операў, сымфоніяў, капрысаў [[Нікола Паганіні|Паганіні]] і песень [[Франц Шубэрт|Франца Шубэрта]]. Асобныя фартэпіянныя творы Ф. Ліста лічацца вышэйшай пробай фартэпіяннага майстэрства. Таксама Ф. Ліст быў аўтарам вялікай колкасьці харавой, вакальнай і сымфанічнай музыкі. [[Арган (музыка)|Арганныя]] творы Ф. Ліста занялі галоўнае месца ў рэпэртуару арганістаў.