'''Дзяле́ньне ядра́''' — працэс расшчапленьня [[атамнае ядро|атамнага ядра]] на два (радзей тры) ядра з блізкімі масамі, якія называюцца аскепкамі дзяленьня. У выніку дзяленьня могуць узьнікаць і іншыя прадукты рэакцыі: лёгкія ядра (у асноўным [[альфа-часьцінка|альфа-часьцінкі]]), [[нэйтрон]]ы і [[гамы-квант]]ы. Дзяленьне бывае спантанным (самаадвольным) і вымушаным (у выніку ўзаемадзеяньня зь іншымі часьцінкамі, найперш, з нэйтронамі). Дзяленьне цяжкіх ядраў — [[экзатэрмічная рэакцыя|экзатэрмічны працэс]], у выніку якога вызваляецца большая колькасьць энэргіі ў выглядзе кінэтычнай энэргіі прадуктаў рэакцыі, а таксама выпраменьваньня. Дзяленьне ядраў служыць крыніцай энэргіі ў [[ядзерны рэактар|ядзерных рэактарах]] і [[ядзерная зброя|ядзернай зброі]].
