Санькова-Мядзьвежжа: розьніца паміж вэрсіямі
Няма апісаньня зьменаў |
(Розьніцы няма)
|
Вэрсія ад 17:21, 14 лістапада 2006
Санько́ва-Мядзьве́ж’е — невялікі (плошча 454 га, 4.5 км²) экскляў Расейскай Фэдэрацыі на тэрыторыі Беларусі. Разьмешчаныя на ўсходзе Добрушскага раёна закінутыя вёскі Санькова і Мядзьвеж'е юрыдычна ўваходзяць у склад Бранскай вобласьці Расеі.
Гісторыя
Напачатку 20 стагодзьдзя некалькі сялянаў з Бранскай вёскі Дабрадзееўка, разьмешчанай на вельмі беднай зямлі, адправіліся на заробкі ў Злучаныя Штаты Амэрыкі. Адпрацаваўшы тры гады шахцёрамі ў Пэнсыльваніі, яны вярнуліся дахаты перад Першай Сусьветнай Вайной, і купілі землі (Мядзьвежую Дуброву і Саніну паляну) у беларускага памешчыка Шведава. Паступова, сяляне асвоілі зямлю, пабудаваўшы пару дзясяткаў гаспадарак.
У 1926 годзе, калі вырашаліся адміністратыўныя межы, паводле волі жыхароў, вёскі Санькова і Мядзьвеж’е былі аднесеныя да Бранскай вобласьці РСФСР.
Падчас Другой Сусьветнай Вайны, жыхары вёсак удзельнічалі ў партызанцы. Калі захопнікі спалілі беларускую вёску Хаткі, што знаходзілася побач, яе жыхары былі прынятыя жыхарамі вёсак Санькова і Мядзьвеж’е. Улетку 1943 году абедьзве вёскі былі таксама спаленыя нацыстамі.
Пасьля вайны вёскі былі адбудаваныя і існавалі да Аварыі на Чарнобыльскай АЭС. У красавіку 1986 году землі былі моцна забруджаныя радыёнуклідамі і закінутыя. У сучасным часе на тэрыторыі ніхто не жыве, аднак мясцовая дарога выкарыстоўваецца кантрабандыстамі для ўвозу танных тавараў у Расею ў аб’езд мытні.
На новых мапах вёскі не абазначаюцца.