Віцень: розьніца паміж вэрсіямі

 

У [[1291]] Будзівід паслаў Віценя з вялікім войскам супраць палякаў у [[Берасьцейская зямля|Берасьцейскую зямлю]].

У [[1294]] годзе Віцень ужо як вялікі князь ваяваў [[Леньчыцкая зямля|Леньчыцкую зямлю]]. У тым жа годзе Віцень захапіў [[Жамойць]] і задушыў там паўстаньне жамойцкай знаці, якую схіляў да хаўрусу [[Тэўтонскі ордэн]].

Арганізоўваў адпор наступу Ордэна на [[ВКЛ]]. Пад яго кіраўніцтвам адбыліся ваенныя паходы на тэрыторыю Тэўтонскага ордэна. Для барацьбы з крыжакамі на правым беразе [[Нёман|Нёмана]] ён пабудаваў некалькі [[Замак|замкаў]], у якіх стала знаходзіліся зьменныя залогі. На левым беразе Нёмана пабудаваў свае замкі Ордэн, тут часта адбываліся вайсковыя сутычкі. Скарыстаў супярэчнасьці паміж лівонскімі рыцарамі і [[Сьпіс рыскіх арцыбіскупаў|рыскім арцыбіскупам]] і ў [[1298]] заключыў хаўрус з [[Рыга|Рыгай]] і арцыбіскупам, што дало магчымасьць адбіць крыжацкі наступ на Жамойць. Тады ж Віцень захапіў крыжацкі замак [[Каркгаўз]]. Хаўрус ВКЛ з Рыгай дзейнічаў да канца панаваньня Віценя. Недзе ў той жа час дамову з Рыгай ад імя [[Полацкае княства|Полацкага княства]] заключыў полацкі япіскап [[Якаў (полацкі япіскап)|Якаў]], які зваў Віценя сваім сынам. Гэта сьведчыць аб тым, што ў час Віценя паміж Полацкам і ВКЛ працягваліся стасункі якія пачаліся яшчэ пры [[Войшалк|Войшалку]].

 

У [[1300]] Віцень ваяваў [[Добжыньская зямля|Добжыньскую зямлю]], а ў [[1306]] ля [[Каліш|Каліша]]. Яшчэ адзін паход на Польшчу адбыўся ў [[1307]]. Ва ўнутранай палітыцы Віцень намагаўся ўмацаваць палітычнае адзінства ВКЛ. Сяліў на [[Гародня|Гарадзеншчыне]] [[прусы|прусаў]], якія ўцякалі ад [[крыжакі|крыжакоў]] з [[Прусія|Прусіі]]. Паводле позьняга Васкрасенскага летапісу, далучыў да сваёй дзяржавы тэрыторыю да [[Заходні Буг|Заходняга Буга]], ў тым ліку Берасьцейскую зямлю. Паводле [[Густыньскі летапіс|Густыньскага летапісу]], Віцень прыняў дзяржаўны [[герб]] ВКЛ: «''Витен нача княжити над Литвою, измысли себе герб и всему князству Литовскому печать: [[Рыцар|рыцер]] збройны на коне з мечем, еже ныне наричут [[Пагоня|Погоня]]''», але гэта наўрад ці цалкам адпавядае рэчаіснасьці.

 

 

}}

[[Катэгорыя:Вялікія князі літоўскія]]

[[Катэгорыя:Гедымінавічы]]