Правакацыя (гурт)

Правака́цыя — беларускі панк-рок гурт, які існаваў у 90-х гадах XX стагодзьдзя. Першы беларускамоўны панк-гурт. Заснавальнікам і лідэрам гурта быў Альгерд Бахарэвіч, які пісаў тэксты песьняў і зьяўляўся вакалістам. Тэксты песьняў маюць найперш іранічна-палітычны характар, уяўляюць сабой своеасаблівы творчы пратэст.

Правакацыя
Інфармацыя
Гады	1993 — 2000
Адкуль	Менск, Беларусь
Мова	беларуская
Жанр(ы)	панк-рок
Удзельнікі	Альгерд Бахарэвіч Уладзімір Лушчынскі Вольга Краўцова Андрэй Бараноўскі

Гісторыя

Гурт быў створаны ў 1993 годзе, дэбют адбыўся на першым фэстывалі «Раздавім фашысцкую гадзіну» ў Менску. У гады існаваньня гурт прымаў удзел у шматлікіх акцыях і фэстывалях, сярод якіх варта адзначыць «Раздавім фашысцкую гадзіну», «Вольныя танцы», «Хай што-небудзь адбудзецца», «Гэта ты, Моцарт?!», усяго было дадзена каля паўсотні канцэртаў. Апошні канцэрт «Правакацыі» быў дадзены ў 2000 годзе ў менскім клюбе "Медыюм" сумесна з беларускім гуртом «Hate to State» і ірляндзкім «Call Center».

Удзельнікі

За час існаваньня «Правакацыі» ў яе складзе грала 11 музыкаў. Фактычна, адзіным нязьменным чальцом гурта зьяўляўся «Алежка» - Альгерд Бахарэвіч.

• Альгерд Бахарэвіч: сьпеў, тэксты
• Уладзімір Лушчынскі: бубны
• Вольга Краўцова: бас-гітара
• Андрэй Бараноўскі: гітара

Альбомы

У 1999 годзе гуртом быў запісаны і выдадзены адзіны студыйны альбом пад назвай «Звычайная раніца». Больш раньнія запісы рабіліся ў хатніх умовах і распаўсюджваліся толькі сярод знаёмых. Альбом «Звычайная раніца» ўключае 8 кампазыцый.

1. Карычневае
2. Не занадта
3. Шэф у гістэрыцы
4. Квітней, мая Быдляндыя
5. Тан’я
6. I Wanna Be Your Dog
7. Нацыянальны сход
8. Адчай

Крыніцы

• Юрась Барысевіч. Іголка прозы. Ліставаньне з Альгердам Бахарэвічам
• Don't Panic #2. Інтэрвію з лідэрам гурта «Правакацыя»

Вонкавыя спасылкі

• Альбом «Звычайная раніца» на «Музычнай скарбонцы»