Адзін з кіраўнікоў [[кальвінізм|кальвіністаў]] у ВКЛ, быў таксама шчыльна зьвязаны з праваслаўнымі (у т.л. з князем [[АстроскіяКанстантын Астроскі (малодшы)|Канстантынам Астроскім]]). Ягоная жонка Ганна Дарота з [[Валовічы|Валовічаў]] была апякункай віленскага праваслаўнага Сьвятадухава брацтва. Удзельнічаў у дыскусіях зь [[езуіты|езуітамі]] ў Вільні ў [[1585]] і [[1599]], у дысыдэнцкіх зьездах у [[торунь|Торуні]] ў [[1595]] і ў Вільні ў [[1599]]. У сваім маёнтку [[Варняны]] ў [[Віленскі павет|Віленскім павеце]] (валодаў ад [[1587]]) збудаваў кальвінскі збор, школу й шпіталь. Напісаў кнігу "''Меркаваньне ліцьвіна пра куплю таньней збожжа й больш дарагі продаж''" ([[1595]]). Апякаў [[Андрэй Волан|Андрэя Волана]] й [[Ян Радван|Яна Радвана]], якога схіліў да напісаньня паэмы "Радзівіліяда". Сваім коштам выдаў кальвінскі катэхізм віленскага прапаведніка С.Суроўскага (Вільня, 1598).