'''Гумно''' — драўлянае гаспадарчае збудаваньне сялянскай сядзібы прызначанае для прасушваньня і абмалоту снапоў зерня.
Слова ''гумно'' ў сялянскім побыце мае шырокі сэнс. ПрыкалдамПрыкладам, у некаторых мясьцінах Беларусі (паўночна-ўсходняя Меншчына) функцыі гумна пераймалі [[пуня]] і адкрыты ток. У такім выпадку месца дзе стаяла пуня называлі гумнішчам, а адкрыты ток - гумном. На Вілейшчыне гумном называлі частку двара, дзе знаходзіліся [[ток]], [[азярод]] і [[сеньнік]]. Звычайна гумно асацыюецца з месцам захоўваньня снапоў, сена і кармавых. Месца дзе стаяла гумно называлася гумнішча. Часам слова ''гумно'' і ''гумнішча'' варта разглядаць як сынонімы. Пры аднабаковай забудове вёскі гумно маглі выносіць на другі бок вуліцы. Памер гумна залежаў ад заможнасьці гаспадара. Унутры ў гумне рабіліся засекі для снапоў розных відаў зерня.
