Бабруйская езуіцкая рэзыдэнцыя: розьніца паміж вэрсіямі

Напачатку XVII ст. місыянэрскую дзейнасьць у прапагандзе [[каталіцтва]] ў Бабруйску распачалі манахі [[Нясьвіскі езуіцкі калегіюм|Нясьвіскага езуіцкага калегіюму]]. У [[1618]] яны замацаваліся тут, у [[1630]] узьнікла іхная рэзыдэнцыя. [[Бабруйскае староства|Гарадзкі староста]] [[Пётра Трызна]] перадаў езуітам маёнткі [[Гарбацэвічы]], [[Рыня]], [[Устайла]], пабудаваў для іх дом у Бабруйску й перадаў 7 500 флярэнаў, атрыманых пад заклад маёнтку [[Кісялевічы]]. У [[1638]] нашчадкі Пётры Трызны аддалі езуітам вёску [[Дваранавічы]] з уніяцкай царквой, пабудавалі касьцёлы ў вёсках Гарбацэвічы й [[Шацілкі]], якія ў [[1643]] падараваў ордэну шляхціц П.Суляціцкі, што надало езуітам магчымасьць адкрыць тут місыянэрскія пункты. У часе вайны [[1648]]-[[1651]] рэзыдэнцыя прыйшла ў заняпад. У [[1681]] была адноўленая дзейнасьць ейных школаў. Падчас [[Паўночная вайна 1700-1733|Паўночнае вайны 1700-1733]] яна неаднаразова спыняла сваю дзейнасьць. Ад [[1720]] пры рэзыдэнцыі быў прытулак для зьбяднелае шляхты. Рэзыдэнцыя была зачыненая ў [[1773]] у сувязі з скасаваньнем ордэну езуітаў у [[Рэч Паспалітая|Рэчы Паспалітай]].

[[Катэгорыя:Каталіцкая царква на Беларусі]]