Вацлаў Аношка

Вацлаў Аношка (1899, Магілёўшчына – 18 лютага 1966, Рабэрцін, Польшча) – беларускі ўніяцкі сьвятар.

Вацлаў Аношка

Вучыўся ў Менскай духоўнай каталіцкай семінарыі пасля эвакуацыі яе ў Кельцы.

Пасьвячоны 1 лістапада 1924. Напачату працаваў вікарыям ў Ляхавічах Баранавіцкага павету.

З 1926 году служыў пробашчам вуніяцкай парафіі ў мясцовасці ў Альпені каля Давыд-Гарадка, куды да яго прыяджаў дапамагаць беларускі каталіцкі сьвятар Пётар Татарыновіч. З 1935 да 1944 году ў Дзеляцічах на Наваградчыне.

Зьвяртаўся да вернікаў на беларускай мове. З'яўляўся сябрам экзархальнай Рады Беларускага Экзархата. Прыхільнік Беларускай хрысціянскай дэмакратыі.

Па вайне зьехаў у Польшчу.

Пахаваны на могілках каля Рабэрціну.

Вонкавыя спасылкі

• Слоўнік.орг
• Успаіны Юрася Гарбінскага, МАЕ ПРЫЯЦЕЛI — В. АНОШКА