1 лістапада - Урачыстасць Усіх Святых (Festum omnium sanctorum) з’яўляецца хрысціянскім святам на ўшанаванне ўсіх вядомых і невядомых святых і мучанікаў, якія знаходзяцца ў небе з Богам. Урачыстасць усіх Святых выодзіцца галоўным чынам з пашаны аддаванай мучанікам, якія аддалі сваё жыццё для Хрыста, а якіх не успамінаюць ў мясцовых мартыралогіях (кнігах памерлых) ані ў каноне Святой Імшы. У ІІІ стагоддзістагодзьдзі пасля нараджэння Хрыста распаўсюдзілася традыцыя пераносін цэлых рэліквій святых, альбо іх частак на іншае месца. Такім чынам хацелася падкрэсліць, што святыя з’яўляюцца ўласнасцю ўсяго касцёла. Калі ў 610 г. Папа Баніфацый ІV атрымаў ад кесара старажытную паганскую святыню Пантэон, загадаў скласці там шматлікія рэліквіі і асвяціў гэтую будоўлю на касцёл Маці Божай Мучанікаў. Ад таго моманту ўсіх памерлых мучанікаў ушаноўвалі 1 мая. Пара Рыгор ІІІ у 731 г. Перанёс гэтую ўрачыстасць на 1 лістапада, а ў 837 г. папа Рыгор ІV загадаў, каб дзень 1 лістапада быў прысвечаны памяці не толькі мучанікаў, але і ўсім святым Паўсюднага Касцёла. Наступны дзень пасля Урачыстасці Ўсіх Святых (2 лістапада) адзначаем успамін памерлых. Для хрысціян гэта дзень малітваў за ўсіх веруючых ў Хрыста, якія адышлі з гэтага свету, а цяпер знаходзяцца ў чысцы. Ад пачатку ХІІІ стагоддзястагодзьдзя гэтая традыцыя распаўсюдзілася па цэлым Касцёле. У ХІV стагоддзістагодзьдзі пачалі праводзіць у гэты дзень працэсіі па могілках да чатырох стацый (алтароў). Каля стацый маліліся за памерлых і спявалі жалобныя песні. Пятая стацыя адбывалася ў касцёле, пасля вяртання працэсіі з могілкаў. Гэтыя традыцыі захаваліся і да нашых часоў. У гэтыя дні хрысціяне наведваюць магілы сваіх памерлых родзічаў і знаёмых, удзельнічаюць у Святой Імшы, моляцца. Існуе старадаўняя традыцыя запальвання свечак на магілах і складання кветак, вянкоў і іншых аздобаў якія з’яўляюцца сімвалам памяці аб памерлых.
