Паўночнае зьзяньне: розьніца паміж вэрсіямі

 

На кінафэстывалі паказваюць фільмы зь [[Летува|Летувы]], [[Латвія|Латвіі]], [[Эстонія|Эстоніі]], [[Нарвэгія|Нарвэгіі]], [[Данія|Даніі]], [[Швэцыя|Швэцыі]], [[Фінляндыя|Фінляндыі]] й [[Ісьляндыя|Ісьляндыі]]. А з 2020-га арганізатары дадалі да Міжнароднай праграмы й нацыянальную — Беларускі конкурс.

З 2015 году кінафэстываль праходзіў у [[Менск|Менску]] ў кінатэатры «Мір», дадатковыя паказы былі і ў іншых гарадах Беларусі: [[Гомель|Гомелі]], [[Віцебск|Віцебску]], [[Горадня|Горадні]]. З 2020 году фэст перайшоў у online і гібрыдны фармат, дазваляючы беларусам, дзе б яны ні знаходзіліся, глядзець сучаснае сусьветнае й беларускае кіно. Так, у 2022 годзе асобныя паказы «Паўночнага зьзяньня», а таксама сустрэчы з рэжысэрамі адбыліся ў [[Вільня|Вільні]] (Летува) і [[Талін|Таліне]] (Эстонія).

 

«Паўночнае зьзяньне» адкрытае як для ігравога, так і для дакумэнтальнага, анімайцынага ды гібрыднага кіно. Кінафэстываль традыцыйна мае Міжнародную праграму (Дакумэнтальная й Ігравая), Беларускі конкурс, а таксама дадатковыя праграмы.

 

Так, у 2020-м можна было паглядзець Кароткамэтражную праграму, складзеную з 5 швэдзкіх фільмаў кароткага мэтру (куратарка — Эшлі Сьміт); у 2021-м — спэцыяльную праграму пад назвай «Балтыйская хваля», у якую ўвайшлі тры стужкі зь Летувы, Латвіі й Эстоніі пра рэвалюцыі й зьмены ў гэтых постсавецкіх краінах; у 2022-м — спэцыяльную праграму ўкраінскага кіно «UKRAINE MON AMOUR», прысьвечаную адважнай барацьбе ўкраінскага народу за свабоду й супраць расейскай агрэсіі, а таксама пазаконкурсную беларускую праграму «Вугал Зроку» з 7 беларускіх аматарскіх фільмаў.

 

Паўнавартасная беларуская праграма ўпершыню ўзьнікла на кінафэстывалі «Паўночнае зьзяньне» ў 2020 годзе. Тады ў яе ўвайшлі 7 дакумэнтальных стужак і 1 ігравая: «Невядомы рай» (дакумэнтальны, рэж. Дар’я Юркевіч), «Эпітафія» (дакумэнтальны, рэж. Віктар Асьлюк), «Мне трэба поціскаў» (дакумэнтальны, рэж. Андрэй Куціла), «Тата» (дакумэнтальны, рэж. Ларыса Арцюгіна, Марта-Дар’я Клінава), «Шлях дадому» (дакумэнтальны, рэж. Арцём Лобач), «Межы» (дакумэнтальны, рэж. Юля Шатун), «На сувязі» (дакумэнтальны, рэж. Максім Швед, Ксенія Галубовіч, Алесь Лапо, Вераніка Бандаровіч), «Дэзэртэр» (ігравы, рэж. Саша Сьцельчанка).

 

Міжнароднае журы (фарэрскі рэжысэр і сцэнарыст Сакарыс Стора, украінская прадзюсарка Натальля Лібэт, фінская акторка й рэжысэрка Памела Тола) у 2022 годзе абрала<ref>[https://www.youtube.com/watch?v=LjHXugnQoXQ&ab_channel=NorthernLightsNordicBalticFilmFestival Абвяшчэньне пераможцаў]</ref> пераможцам Беларускага конкурсу фільм «Мара» Сашы Кулак, а таксама адзначыла спэцыяльнымі згадкамі фільмы «Калі кветкі не маўчаць» [[Андрэй Куціла|Андрэя Куцілы]] й «Shirey Mara» Наты Карнеевай.

 

У 2022 годзе зьявілася Экспэртная рада<ref>[https://www.northernlightsff.com/advisory_board Падрабязьней пра Экспэртную раду] </ref> «Паўночнага зьзяньня» — міжнародны дарадчы камітэт, скіраваны на абмен ідэямі. Як заяўляюць арганізатары, разам зь сябрамі Рады яны будуць шукаць новыя магчымасьці й фармаваць стратэгіі для разьвіцьця «Паўночнага зьзяньня», яго канцпэпцыі й інфраструктуры, у тым ліку на карысьць беларускай кінаіндустрыі ў цэлым.

 

Рада складаецца зь міжнародных і беларускіх экспэртаў і экспэртак у галіне кіно, прадзюсаваньня, арт-мэнэджменту й ня толькі. Колькасьць сяброў рады можа зьмяняцца й павялічвацца. На цяперашні момант у Раду ўваходзяць кансультанка па стратэгіі Тамара Тацішвілі (Сакартвела ([[Грузія]])/[[Бэльгія]]), прадзюсар Стэн-Крысьціян Салувеэр ([[Ісьляндыя]]), рэжысэрка й прадзюсарка Дар’я Жук ([[Беларусь]]/[[Злучаныя Штаты Амэрыкі|ЗША]]), маркетынг-экспэртка Надзя Зелянкова ([[Беларусь]]/[[Эстонія]]), прадзюсар Антон Мані Свансан ([[Ісьляндыя]]). Рада зьбіраецца заснавальніцай кінафэстывалю Воляй Чайкоўскай некалькі разоў на год анлайн і афлайн на закрытыя стратэгічныя сустрэчы.

[[Катэгорыя:Фэстываль]]

[[Катэгорыя:Культура]]

[[Катэгорыя:Кіно]]

[[Катэгорыя:Беларускае кіно]]