'''БыхаўскіБы́хаўскі паветпаве́т''', '''Старабыхаўскі павет''' (да 1852 году) — [[павет]] на тэрыторыі [[Беларусь|Беларусі]] ў 1772—1796 і 1802—1923 гг. Утвораны 28 траўня (8 чэрвеня) 1772 г. пасьля [[Першы падзел Рэчы Паспалітай|першага падзелу]] [[Рэч Паспалітая|Рэчы Паспалітай]]. Цэнтар — горад [[Быхаў]] (Стары Быхаў). 12 (23) сьнежня 1796 году пры скасаваньні [[Магілёўская губэрня|Магілёўскай губэрні]] павет скасаваны, тэрыторыя ўвайшла ў склад [[Беларуская губэрня|Беларускай губэрні]].
Адноўлены 11 сакавіка 1802 году з аднаўленьнем Магілёўскай губэрні. Плошча павету складала 4105,8 кв. [[Вярста|вёрстаў]], насельніцтва 124 820 чалавек (1897 г.). У павеце было 10 воласьцяў: Баханская, Бычанская (раней Новабычанская), Гарадзецкая (пазьней Старабыхаўская), Гарадзішчанская, Глухаўская, Грудзінаўская (раней Царкоўнаасавецкая), Даўгамоская, Навабыхаўская, Прапойская, Чыгірынская; 476 населеных пунктаў (1897 г.). 3 абвяшчэньнем [[БССР]] (1 студзеня 1919 г.) Быхаўскі павет у яе складзе. 3ь лютага 1919 г. у складзе Магілёўскай (з 26 красавіка 1919 г. [[Гомельская губэрня|Гомельскай]]) губэрні [[РСФСР]]. 14 лютага 1923 г. павет скасаваны, воласьці перададзены ў [[Магілёўскі павет (Магілёўская губэрня)|Магілёўскі]], [[Рагачоўскі павет|Рагачоўскі]] і [[Чэрыкаўскі павет|Чэрыкаўскі]] паветыы Гомельскай губэрні.
