Ігар Банцэр: розьніца паміж вэрсіямі

беларускі музыка
Змесціва выдалена Змесціва дададзена
Stary Jolup (гутаркі | унёсак)
Створана старонка са зьместам '{{Музыка}} '''Ігар Банцэр''' (24 лютага 1980, Менск) — беларускі рок-музыка з Гародні, лідэр панк-гурта Mister X. Палітвязень. == Жыцьцяпіс == Зь дзяцінства жыў у Горадні. Бацька працаваў у МУС, маці — выхавацелькай у дзіцячым садку. Ігар паступіў вучы...'
(Розьніцы няма)

Вэрсія ад 15:47, 1 лістапада 2021

Ігар Банцэр (24 лютага 1980, Менск) — беларускі рок-музыка з Гародні, лідэр панк-гурта Mister X. Палітвязень.

Ігар Банцэр
Дата нараджэньня 24 лютага 1980(1980-02-24) (44 гады)
Месца нараджэньня
Занятак журналіст, музыка
Навуковая сфэра журналіст
Месца працы
Сайт bancer.by

Жыцьцяпіс

Зь дзяцінства жыў у Горадні. Бацька працаваў у МУС, маці — выхавацелькай у дзіцячым садку. Ігар паступіў вучыцца ў Варшаўскі ўнівэрсытэт на накірунак «міжнародныя адносіны». Аднак празь некалькі год спыніў вучобу праз хваробу. Пасьля складанай апэрацыі ён вырашыў не аднаўляцца ва ўнівэрсытэце. Каля 10 гадоў працаваў у журналістыцы: карэспандэнтам горадзенскай незалежнай газэты «Пагоня», галоўным рэдактарам польскіх часопісаў Magazyn Polski і Głos znad Niemna ў выгнаньні. Некаторы час быў прэс-сакратаром непрызнанага беларускімі ўладамі Саюза палякаў у Беларусі. Стварыў і ўзначальваў культурную ўстанову «Горадзенскі рок-клюб», дзе займаўся музыкай з падлеткамі і моладзьдзю.

Зь 2003 году быў лідэрам і сьпеваком свайго стрыт-панк гурта Mister X. Зь 2007 году Банцэра шматкроць затрымлівалі і саджалі на содні.

Арышт

Быў затрыманы 20 кастрычніка 2020 году за правядзеньне пэрформансу ў выглядзе танца без штаноў перад машынай міліцыі. Гэтыя дзеяньні былі кваліфікаваныя органамі сьледзтва як зьдзяйсьненьне хуліганства - ч.1 арт. 339 КК. Пры гэтым, як вынікае з паказаньняў самога абвінавачанага, сапраўднымі матывамі і мэтамі гэтага ўчынку было выказваньне пратэсту ў форму пэрформанса, які суправаджаўся частковым публічным агаленьнем (танцам у стрынгах на целе) перад машынай з супрацоўнкамі міліцыі[1].

Да суду Ігар утрымліваўся пад вартай. Падчас суда, які пачаўся ў сакавіку, Ігар абвясьціў сухую галадоўку. 19 сакавіка 2021 году яго асудзілі на 1,5 года «хіміі». У чэрвені паехаў адбываць пакараньне на віцебскую «хімію». Яно мелася скончыцца ў лютым 2022 году, бо значную частку тэрміну гарадзенец адбыў яшчэ ў горадзенскім СІЗА. Там тэрмін ідзе хутчэй за «хімію» удвая. 29 верасьня 2021 году суд зьмяніў Банцэру пакараньне з абмежаваньня волі («хімія») на пазбаўленьне волі (калёнія агульнага рэжыму) і прызначыў яму даседжваць 1 месяц 25 дзён да вызваленьня.

Пасьля суду Банцэра адразу ўзялі пад варту і перавялі ў віцебскі СІЗА. Адтуль ён меўся ехаць у калёнію. Аднак у калёнію яго так і не перавялі. Чаму — невядома. Калі б вязень заставаўся ў СІЗА да канца тэрміну, то ён мог бы выйсьці на волю ўжо 5 лістапада[2].

Прычына вяртаньня на хімію — абскарджаньне адвакаткай Банцэра пастановы суду аб замене пакараньня на больш жорсткае. Парушэньні парадку, якія нібыта зьдзейсніў Банцэр, былі зафіксаваныя да ўвядзеньня новага заканадаўства. Паводле яго Ігара не павінны былі судзіць па артыкуле «замена пакараньня на больш жорсткае». Але чамусьці судзілі. Адвакатка заўважыла гэтую нестыкоўку і падала скаргу. Пракурор быў вымушаны апратэставаць пастанову суду.

Крыніцы