Андрэй Плясанаў

Андрэй Плясанаў (1948, Менск — 16 чэрвеня 2021, Менск) — мастак-авангардыст, музыка і кінарэжысэр. Арганізатар і ўдзельнік першых біт-фэстываляў у Менску. Ляўрэат розных гарадзкіх і нацыянальных конкурсаў студэнцкай песьні.

Андрэй Плясанаў
Дата нараджэньня	1948
Месца нараджэньня	Менск, БССР, СССР
Дата сьмерці	16 чэрвеня 2021(2021-06-16)
Месца сьмерці	Менск, Беларусь
Занятак	маляр, музыка, рэжысэр
Андрэй Плясанаў у Вікісховішчы

Пасьля сканчэньня Беларускага дзяржаўнага тэатральна-мастацкага інстытуту працаваў рэжысэрам студыі „Летапіс“ кінастудыі „Беларусьфільм“, здымаў дакумэнтальнае й мастацкае кіно. Акрамя таго здолеў праславіцца нават у розных краінах Эўропы як небанальны мастак-авангардыст (ягоныя працы можна знайсьці ў нідэрляндзкім каталёгу „1001 reasons of Earth“, польскім „Jesteśmy“ і іншых).

Калекцыянэр беларускага жывапісу 70-х гадоў. Зьяўляўся ўладальнікам адной з самых буйных калекцый неафіцыйнага беларускага мастацтва 1980-90-х (у 2015 годзе налічвала больш за 1000 работ) Катэгорыя:Беларускія калекцыянэры. Ён замаўляў гэтыя працы пад адмысловыя ўласныя праекты (“Майстэрня мастака”, 1987), выратоўваў палотны, калі мастакі ў адчаі хацелі іх зруйнаваць, атрымліваў у падарунак ці ў знак павагі і ўдзячнасьці – амаль што кожная карціна мае сваю гісторыю. У 2013 годзе выстаўляў сваю калекцыю на выставе ў Галерэі Ў.

Лідэр гурту P.L.A.N.

Творчасьць

Музычныя альбомы

• 2003 — «Blues у канцы тунэлю»
• 2003 — «Вам слова, Джон Ячмень»
• 2003 — «Вялікае калі ласка»
• 2003 — «Зьніч надзеі»
• 2003 — «Шлях да каханай»
• 2003 — «У пошуках страчанага»

Вонкавыя спасылкі

• Андрэй Плясанаў — сховішча мультымэдыйных матэрыялаў
• Андрэй ПЛЯСАНАЎ: “Нам будзе прыемна, калі беларусы на эміграцыі сустрэнуць Каляды пад нашыя песьні.”, Беларус, №128