Вераскава: розьніца паміж вэрсіямі

На пачатку XVI стагоддзя маёнтак належаў гаспадарскаму маршалку Юр'ю Юр'евічу Неміровічу. У 1541 г. адышоў Настассі Глябовічавай, дачцэ мцэнскага намесніка Вацлава Неміровіча і жонцы Мікалая Глябовіча, сына полацкага ваяводы Станіслава Глябовіча. У 1557 г. быў запісаны яе дачцэ Раіне Красоўскай. У дакуменце 1557 г. прыгадваюцца баяры-шляхта Іван і Ісай Князевічы і Якуб Андрэевіч Калечыц (Каліціч) Хадасовіч, які служыў ураднікам, ці намеснікам вераскоўскім, меў ад Глябовічавай зямельнае наданне Калечыцы і з'яўляўся продкам шляхецкага роду Калечыцаў. У 1567 г. Вераскава належала Рэгіне Насілоўскай, жонцы Юрыя ДэшпатДэспат-Зяновіча, якая выстаўляла з маёнтка ў войска ВКЛ васалаў-коннікаў у панцырным узбраенні, або "па-казацку". У наступныя гады Вераскава перайшло да ваяводы полацкага Станіслава Давойны, а ў 1576 г. разам "з маёнткамі баяр-шляхты" да ваяводы віленскага Мікалая Радзівіла Рудога. У XVII стагоддзі цэнтр вераскоўскай воласці ў складзе маёнтка Далятычы князёў Радзівілаў.