Дар’я Чульцова: розьніца паміж вэрсіямі
пачатак |
(Розьніцы няма)
|
Вэрсія ад 23:29, 18 лютага 2021
Дар’я Чульцова (нар. 20 лістапада 1997 г.) — беларуская журналістка, палітычны вязень рэжыму Лукашэнкі.
Біяграфія
Нарадзілася ў Шклове, скончыла Гісторыка-філялягічны факультэт Магілёўскага дзяржаўнага ўнівэрсытэту ім. Куляшова па спэцыяльнасьці «журналістыка»[1].
У 2020 годзе працавала на тэлеканале «Белсат», асьвятляючы масавыя пратэсты, зьвязаныя з прэзыдэнцкімі выбарамі.
15 лістапада 2020 г. затрыманая падчас стрыму з пратэстаў. Да лютага ўтрымоўвалася ў СІЗА №1. Разам з калегай-журналісткай Кацярынай Андрэевай Была абвінавачаная паводле арт. 342 Крымінальнага кодэксу РБ — «Арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх»[2]. Прызнаная палітычным вязьнем з боку беларускіх праваабарончых арганізацый[3] Амбасада ЗША ў Беларусі выступіла з заявай, у якой заклікала вызваліць Чульцову і Андрэеву[4].
18 лютага 2021 г. судзьдзя Фрунзенскага раёну г. Менску Натальля Бугук прысудзіла Чульцовай 2 гады пазбаўленьня волі ў калёніі агульнага рэжыму[5].
Пасьля вынясеньня прысуду прэзыдэнт Польшчы Анджэй Дуда заклікаў амніставаць Чульцову і Андрэеву[6].
Спасыкі
- ^ Дар’я Чульцова і Кацярына Андрэева: што трэба ведаць пра зняволенных журналістак «Белсату» і іх пераслед — Белсат, 8 лютага 2021 г.
- ^ Дар’я Чульцова, журналістка тэлеканала «Белсат» — Вясна (цэнтар)
- ^ Патрабуем неадкладнага вызвалення палітзняволеных журналістак Кацярыны Барысевіч, Кацярыны Андрэевай і Дар’і Чульцовай — Вясна (цэнтар), 24 лістапада 2020 г.
- ^ ЗША заклікалі вызваліць журналістак Кацярыну Андрэеву і Дар’ю Чульцову перад судом - Радыё Свабода, 8 лютага 2021 г.
- ^ Журналістак «Белсату» Андрэеву і Чульцову пакаралі 2 гадамі турмы за стрым з «плошчы Перамен». ФОТА і ВІДЭА — Радыё Свабода, 18 лютага 2021 г.
- ^ Польскі прэзыдэнт заклікаў улады Беларусі амніставаць асуджаных журналістак «Белсату» — Радыё Свабода, 18 лютага 2021 г.