МетэаназіраньніМэтэаназіраньні ў Берасьці вядуцца з 1834 году. Клімат — [[Кантынэнтальны клімат|мерны кантынэнтальны]]<ref>Брест. Энциклопедический справочник — Мн.: Белорусская энциклопедия им. П. Бровки, 1987. С. 9.</ref>. Праз уплыў марскіх паветраных масаў у месьце назіраецца мяккая зіма і ўмерана цёплае лета. Цыклёны, якія зьяўляюцца прычынай гэтага, перамяшчаюцца з [[Атлянтычны акіян|Атлянтычнага акіяна]] з захаду на ўсход. Сярэдняя тэмпэратура студзеня −2,6 °C, ліпеня +19,3 °C. Гадавая колькасьць ападкаў 609 мм. Сярэднегадавая тэмпэратура паветра складае +8,2 °C, сярэднегадавая [[Шкала Бофарта|хуткасьць ветру]] — {{s|2,6 м/с}}, сярэднегадавая [[Адносная вільготнасьць|вільготнасьць паветра]] — 76 %. [[Вэгетацыйны пэрыяд]] працягваецца 214 дзён.
Штогод у сярэднім 160 дзён ідзе дождж, 68 дзён — сьнег. Туманы назіраюцца ў сярэднім 33 дні, навальніцы — 27 дзён.