Нарадзіўся 7 верасьня 1919 году ў в. Пушкары Віцебскага павета [[Віцебская губэрня|Віцебскай губэрні]] ў сялянскай сям’і.
Вучыўся на гістарычным факультэце [[ВіцебскіВіцебскі пэдагагічны інстытут|Віцебскага пэдагагічнага інстытуту]] (1939—1940). Працаваў настаўнікам у в. Рудакі пад [[Віцебск]]ам (1940—1941). У [[1942]] годзе — партызан, памочнік камісара па [[камсамол]]у партызанскага атраду № 7 брыгады Аляксея Данукалава на Віцебшчыне. У сьнежні 1942 году адпраўлены ў тыл — лячыўся ў шпіталі, вучыўся ў школе партызанскага руху, на партыйна-савецкіх курсах. У 1943 годзе накіраваны на камсамольскую работу ў [[Горацкі раён]] Магілеўскай вобласьці. З 1944 году — карэспандэнт, літаратурны супрацоўнік, загадчык аддзелу, намеснік рэдактара, з 1952 году — рэдактар газэты «[[Чырвоная зьмена]]». У 1955 годзе завочна скончыў [[Менскі пэдагагічны інстытут]]. У 1953—1972 гадох — загадчык аддзелу, адказны сакратар, намесьнік галоўнага рэдактара, галоўны рэдактар часопіса «[[Маладосьць (часопіс)|Маладосць]]». У 1972—1976 гадох — галоўны рэдактар сцэнарнага аддзелу кінастудыі «[[Беларусьфільм]]», у 1976—1980 гадох — галоўны рэдактар штотыднёвіка «[[Літаратура і мастацтва]]». Член [[Саюз пісьменьнікаў СССР|Саюзу пісьменьнікаў СССР]] з 1957 году.