«'''НТВНТБ-Беларусь'''» ({{мова-ru|НТВ-Беларусь|скарочана}}) — беларускі дзяржаўны камэрцыйны [[тэлеканал]], што ёсьць ліцэнзаванай вэрсіяй каналу [[НТВНТБ]]. Этэрнае вяшчаньне ажыцьцяўляецца з 4 ліпеня 2006 году. Вяшчальнік — [[Нацыянальная дзяржаўная тэлерадыёкампанія Рэспублікі Беларусь]]. З красавіка 2009 году — адзіная вэрсія каналу НТВНТБ, даступная ў [[Кабэльнае тэлебачаньне|кабэльных сетках]] Беларусі (раней паралельна трансьляваўся «НТВ Мир»). Час вяшчаньня: 6:00 — 0:30.
== Праграмная палітыка ==
Праграмны пакет каналу фармуецца паводле прававых дамоўленасьцяў з расейскім бокам.
«НТВНТБ-Беларусь» трансьлюе шматлікія арыгінальныя перадачы НТВНТБ. Выключэньне галоўным чынам складае ўтрыманьне, распаўсюд якога абмежавана тэрыторыяй Расеі. Як правіла, гэта перадачы чужой вытворчасьці — «[[Свая гульня]]», «Quattroruote», фільмы і сэрыялы, футбольныя матчы, а таксама тэлеперадачы, якія ўтрымоўваюць крытыку ў адрас [[Аляксандар Лукашэнка|Аляксандра Лукашэнкі]]. Неліцэнзаваны кантэнт замяшчаецца іншымі перадачамі ці фільмамі. Штодзень выходзяць некалькі выпускаў навінаў: «Сёньня», «Сёньня. Галоўнае». Валодаючы добрымі суадносінамі рэйтынгу і коштам рэклямнага часу — адзін з самых запатрабаваных рэклямадаўцамі тэлеканалаў. На «НТВ-Беларусь» больш рэклямы, чым на НТВ, і з-за гэтага напрыклад, «Сёньня ў 23:15» трансьлюецца ў 23:30.
