Іван Кубракоў: розьніца паміж вэрсіямі
Stary Jolup (гутаркі | унёсак) Створана старонка са зьместам '{{Палітык}} '''Іван Уладзіміравіч Кубракоў''' (нар. {{ДН|5|5|1975}}, в. Маліноўка, ...' |
(Розьніцы няма)
|
Вэрсія ад 14:33, 29 кастрычніка 2020
Іван Уладзіміравіч Кубракоў (нар. 5 траўня 1975, в. Маліноўка, Касьцюковіцкі раён, Магілёўская вобласьць) — генэрал-маёр міліцыі, начальнік галоўнага ўпраўленьня ўнутраных спраў Менскага гарвыканкаму (2019-2020). Міністар Ўнутраных спраў з 29 кастрычніка 2020 году
| Іван Кубракоў | |
 | |
| з 29 кастрычніка 2020 | |
| Папярэднік | Юры Караеў |
| Асабістыя зьвесткі | |
| Нарадзіўся: |
5 траўня 1975 (48 гадоў) |
| Адукацыя: | |
| Узнагароды: |
        |
Жыцьцяпіс
Скончыў Менскую спэцыяльную сярэднюю школу МУС і Акадэмію Міністэрства ўнутраных спраў Рэспублікі Беларусь.
Службу ў ворганах унутраных спраў пачаў у 1995 годзе. З 2001 году працаваў участковым РУУС Цэнтральнага раёну Менска, потым — старэйшым участковым інспэктарам аддзела аховы правапарадку і прафіляктыкі ўпраўленьня ўнутраных спраў адміністрацыі Цэнтральнага раёну Менску, які пасьля ўзначаліў. Кіраваў Заслаўскім аддзелам Менскага РУУС[1].
У 2015 годзе працаваў намесьнікам начальніка галоўнага ўпраўленьня — начальнікам ўпраўленьня аховы правапарадку галоўнага ўпраўленьня аховы правапарадку і прафіляктыкі міліцыі грамадзкай бясьпекі Міністэрства ўнутраных спраў Рэспублікі Беларусь.
У 2016 годзе працаваў намесьнікам начальніка галоўнага ўпраўленьня ўнутраных спраў Менскага гарвыканкаму — начальнікам міліцыі грамадзкай бясьпекі.
12 траўня 2017 году прызначаны начальнікам упраўленьня ўнутраных спраў Віцебскага аблвыканкаму[2].
29 чэрвеня 2018 году прысвоена званьне генэрал-маёра міліцыі[3].
28 сакавіка 2019 году прызначаны начальнікам галоўнага ўпраўленьня ўнутраных спраў Менскага гарвыканкаму[4]
31 жніўня 2020 году ўключаны ў сьпіс асобаў, на якіх накладзена бестэрміновая забарона на ўезд у Латвію, пяцігадовая забарона на ўезд у Эстонію і забарона на ўезд у Летуву ў сувязі з тым, што «сваімі дзеяньнямі ён арганізаваў і падтрымаў фальсыфікацыю прэзыдэнцкіх выбараў 9 жніўня і наступнае гвалтоўнае задушэньне мірных пратэстаў»[5].
15 кастрычніка ў эфіры АНТ Іван Кубракоў выказваўся аб прымяненьні зброі супраць дэманстрантаў, але назваў гэта «крайняй мерай», «калі ўжо немагчыма выканаць пастаўленую задачу»[6].
29 кастрыніка 2020 году прызначаны Александрам Лукашэнка Міністра Ўнутраных спраў Беларусі[7].
Узнагароды
- мэдаль «За бездакорную службу» ІІІ ступенi;
- мэдаль «За бездакорную службу» ІІ ступенi (2015)[8];
- мэдаль «За бездакорную службу» І ступенi (2016)[9].
Цікавыя факты
- У 2014 годзе ў Барысаве прайшоў матч паміж Беларусьсю і Ўкраінай (0:2), тады затрымалі каля 30 заўзятараў за майкі з Пагоняй ды іншую атрыбутыку, некаторыя заўзятары з Украіны былі асуджаныя на суткі ў Беларусі. Тады Іван Кубракоў заяўляў, што «матч прайшоў спакойна», але з дакорам заўважаў, што Беларускую фэдэрацыю футболу за яго аштрафавалі на 18 тысяч эўра[10].
Крыніцы
- ^ Главой столичной милиции назначен Кубраков. Где он работал, и за что омоновцы говорят ему спасибо
- ^ Указ Президента Республики Беларусь от 12 мая 2017 года № 164 «О назначении на должность»
- ^ Указ Президента Республики Беларусь от 29 июня 2018 года № 261 «О присвоении специального звания»
- ^ Указ Президента Республики Беларусь от 28 марта 2019 года № 1211 «Об И. В. Кубракове»
- ^ Латвія, Літва і Эстонія ўключылі Лукашэнку і яшчэ 29 чыноўнікаў ў спіс пэрсон нон-грата. ПОЎНЫ СЬПІС, Радыё Свабода
- ^ Пачынаў з участковага, кіраваў міліцыяй у Менску падчас пратэстаў у 2017 годзе. Хто такі новы міністар МУС Іван Кубракоў, Радыё Свабода, 29-10-2020
- ^ Кубракоў стаў новым міністрам унутраных спраў. Караеў будзе памочнікам Лукашэнкі па Горадзеншчыне, Радыё Свабода, 29-10-2020
- ^ Указ Прэзідэнта Рэспублікі Беларусь ад 16 сакавіка 2015 года № 122 «Аб узнагароджанні»
- ^ Указ Прэзідэнта Рэспублікі Беларусь ад 30 сакавіка 2016 года № 118 «Аб узнагароджанні»
- ^ Пачынаў з участковага, кіраваў міліцыяй у Менску падчас пратэстаў у 2017 годзе. Хто такі новы міністар МУС Іван Кубракоў, Радыё Свабода, 29-10-2020