Пратэсты ў Беларусі (2020—2022)

Акцыі пратэсту ў Беларусі, якія пачаліся 29 траўня 2020 году ў Менску ды інших гарадах, былі пачаткова зьвязаныя з арыштам апазыцыйных кандыдатаў у прэзыдэнты ды недапушчаньня іх удзелу ў прэзыдэнцкіх выбарах 9 жніўня 2020 году. Пасьля публікацыі першых афіцыйных экзыт-полаў, якія сьведчылі пра нібыта пераканаўчую перамогу дзеючага прэзыдэнта Аляксандра Лукашэнкі ужо ў першым туры, пратэсты ахапілі адначасова шмат гарадоў краіны, а іх асноўнай мэтай стаў чэсны падлік галасоў ды адстаўка Лукашэнкі, які займае пасаду прэзыдэнта з 1994 году. Сілавыя структуры пачалі разганяць мірныя пратэсты, таму яны перараслі ў сутычкі з АМАПам.

Гэтую грамадзкую актыўнасьць паводле масавасьці пароўнывалі з пратэстамі 1996-97 гадоў супраць падпісаньня саюзнага дагавору Беларусі ды Расіі.