Сьцяг Малдовы: розьніца паміж вэрсіямі

Выява малдаўскіх сьцягоў перададзеныя і ў гравюры польскага храніста М. Бельскага, якая адлюстроўвае Бітву ў Абэртыну 1531 году паміж малдаванамі на чале з гаспадаром [[Пётар IV Рарэш|Пятром IV Рарэшам]] і [[палякі|палякамі]]. На малдаўскім сьцягу ў цэнтры палатна намаляваны герб Малдовы, галава зубра, справа — [[сонца]], зьлева — [[паўмесяц]]. У 1574 годзе дэлегацыя малдаўскіх баяраў прысутнічала на каранаваньні польскага караля [[Генрых III (кароль Францыі)|Генрыха Валуа]], пад сьцягам сіняга колеру, на якім была намаляваная галава тура з зоркай паміж рогамі.

 

Гаспадарскі сьцяг [[Ерэмія Мовілэ]], які адносіцца прыкладна да 1601 году, быў чырвоным з жоўтай аблямоўкай. У цэнтры адлюстроўвалася кальцо пад крыжом, усярэдзіне якога — галава тура. У кантоне сьцяга на белым фоне зьмешчаная легенда — поўнае імя гаспадара. Паляк Крэстафор дэ Збараз пабываўшы ў 1622 годзе ў гаспадара [[Стэфан IX Томша|Стэфана IX Томшы]] таксама апісвае чырвоны сьцяг з галавой зубра.