У ночы з 30 сьнежня на {{Дата ў старым стылі|31 сьнежня|1917|17 на 18}} году будынак, у якім праходзіў Усебеларускі зьезд, быў атачоны бальшавіцкімі атрадамі. У залю паседжаньня ўвайшлі народны камісар ўнутраных справаў [[Людвіг Рэзаўскі|Рэзаўскі]] разам з кіраўніком гораду [[МіхаілМікалай Крывашэін|МіхаіламМікалаем Крывашэіным]], якія паведамілі пра роспуск зьезду і арышт прэзыдыюму. У залю ўварваліся ўзброеныя салдаты Першага менскага пяхотнага палка на чале з прапаршчыкам Рамнёвым, акружыўшы Прэзыдыюм.
МіхаілМікалай Крывашэін падышоў да [[Зінаіда Юр’ева|Зінаіды Юр’евай]], «''грэнадзерскага выгляду дзяўчыны''», і сказаў: «''Ты, красотка, поедешь со мной в автомобиле''». З галавы яго паляцела шапка, Юр’ева моцна пабіла Крывашэіна, паводле іншых зьвестак — ледзь не застрэліла<ref>[[Віталь Скалабан]]. [http://kamunikat.fontel.net/www/czasopisy/bzh/15/15art_skalaban.htm Усебеларускі з’езд 1917 года: перспектывы вывучэння] // [[Białoruskie Zeszyty Historyczne]] nr 15</ref>.
У залі распачалася пабудова барыкадаў, кулачныя баі. Аднак, нягледзячы на гэта, прэзыдыюм быў арыштаваны і накіраваны ў Савет народных камісараў, дэлегаты зьезду разагнаныя.
