Леанід Пранчак: розьніца паміж вэрсіямі

'''Леані́д Іва́навіч Пранча́к''' (1958, в. Пранчакі, Ляхавіцкі раён, Берасьцейская вобласьць, цяпер Беларусь)  — беларускі паэт.

У 1972 годзе пачаў друкаваць вершы ў газэце «[[Раніца (газэта)|Піянэр Беларусі]]». У 1981 годзе скончыў факультэт журналістыкі [[БДУ]] і пачаў працаваць рэдактарам [[Магілёў (радыё)|Магілёўскага абласнога радыё]]. З 1983 году  — у Рэспубліканскім штабе студэнцкіх атрадаў. Навучаўся ў [[Асьпірантура|асьпірантуры]] Інстытуту сусьветнай літаратуры Акадэміі навук СССР. Пазьней працаваў у тэатры-студыі «Верасы» і Дзяржаўным канцэртным аркестры Беларусі. У 1988 годзе выдаў 2 зборнікі вершаў «Першапутак» і «Ясак любові». У 1989 годзе стаў сябрам Саюзу пісьменьнікаў СССР. У 1993 годзе выдаў дзіцячы зборнік «Дзяўчынка-беларуска». У 1994—1995 гадах быў карэспандэнтам газэты «[[Рэспубліка (газэта)|Рэспубліка]]» ў ЗША. Тамсама ў 1994 годзе напісаў кнігу «Беларуская Амэрыка», што складалася зь інтэрвію з музыкамі, пісьменьнікамі і прадпрымальнікамі зь ліку [[Беларуская дыяспара|беларускай дыяспары]]. З 1997 году быў мастацкім кіраўніком Тэатру-студыі беларускай эстрады. У 1998 годзе выдаў 2 зборнікі вершаў «Біблія для каханай» і «Вольны птах», [[кампакт-дыск]] «Галоўныя словы» і альбом песьняў «Талака». У 1999 годзе скончыў [[Менскі дзяржаўны лінгвістычны ўнівэрсытэт]] і выдаў 2 альбомы песьняў «Цік-так, ходзікі» і «Пяшчота», а таксама дзіцячы зборнік «Пра дзядулю, пра бабулю і пра іх унучку Юлю». У 2000 годзе выпусьціў альбом песьняў «Між Нью-Ёркам і Менскам» і дзіцячы зборнік «Цар-царэвіч зь Івацэвіч». Напісаў [[лібрэта]] для 2 [[рок-опэра]]ў «Беларушчына» паводле [[Янка Купала|Янкі Купалы]] і «Максім» паводле [[Максім Багдановіч|Максіма Багдановіча]]. Яго вершы прасягнутыя замілаваньнем жаночай прыгажосьцю і любоўю да Бацькаўшчыны<ref>{{Кніга|аўтар=[[Янка Саламевіч]].|частка=Пранчак|загаловак=[[Беларуская энцыкляпэдыя]] ў 18 тамах|арыгінал=|спасылка=http://knihi.com/none/Bielaruskaja_encyklapiedyja_djvu.zip.html|адказны=гал.рэд. [[Генадзь Пашкоў]]|выданьне=|месца=Менск|выдавецтва=[[Беларуская энцыкляпэдыя імя Петруся Броўкі]]|год=2001|том=[http://files.knihi.com/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.13.djvu 13]: Праміле — Рэлаксін|старонкі=[http://files.knihi.com/preview/Knihi/Slounik/Bielaruskaja_encyklapedyja.djvu.zip/Bielaruskaja_encyklapedyja.13.djvu/13_866x9999.jpeg 13]|старонак=576|сэрыя=|isbn=985-11-0216-4|наклад=10 000}}</ref>.