Надзея Абрамава: розьніца паміж вэрсіямі

Скончыла [[Беларускі дзяржаўны пэдагагічны ўнівэрсытэт імя Максіма Танка|Беларускі дзяржаўны вышэйшы пэдагагічны]] (1935) і [[Беларускі дзяржаўны мэдычны ўнівэрсытэт|Менскі мэдыцынскі]] (1940) інстытуты. Падчас акупацыі Беларусі нямецкімі войскамі працавала ўрачом-псыхіятрам у Менскай інфэкцыйнай бальніцы. З кастрычніка 1942 году ўзначальвала дзіцячы сэктар [[Беларуская народная самапомач|Беларускай народнай самапомачы]], з чэрвеня 1943 году — службу юначак [[Саюз беларускай моладзі|Саюзу беларускай моладзі]]. Была пастаянным супрацоўнікам рэдакцыі часопісу «[[Жыве Беларусь! (часопіс)|Жыве Беларусь!]]». Уваходзіла ў [[Беларуская цэнтральная рада|Беларускую цэнтральную раду]]. Дзякуючы высілкам Надзеі Абрамавай было выратавана шмат яўрэйскіх дзетак. Адну дзяўчынку яна нават удачарыла.<ref>[http://zbsb.org/node/1119 Алег Гардзіенка "Беларускі Мюнхен"]</ref> Удзельніца [[Другі Ўсебеларускі кангрэс|2-га Ўсебеларускага кангрэсу]] (1944 год, [[Менск]]). Падчас вызваленьня Беларусі Чырвонай Арміяй летам 1944 году эмігравала ў Нямеччыну, працавала ў адноўленым Кіраўнічым штабе СБМ у г. Тропаў ([[Опава]], [[Чэхія]]). Выдавала бюлетэнь «[[Вучэбны лісток]]». 15 верасьня 1944 году кааптаваная ў склад [[БЦР]] у [[Бэрлін]]е.