Ліпкі (этнаграфічная група): розьніца паміж вэрсіямі

Размаўлялі на [[цюрскія мовы|цюрскіх]] дыялектах (пераважна [[кыпчацкія мовы|кыпчацкае]] групы), якія прынята азначаць тэрмінам ''татарская мова'', які, аднак, з прычыны этнічнае неаднароднасьці літоўскіх татараў нельга цалкам атаясамліваць з сучасным паняткам [[татарская мова|татарскае]] мовы. Іншыя крыніцы паведамляюць аб [[крымскататарская мова|крымскататарскім]] кампанэнце цюрскага маўленьня татараў у ВКЛ. З XVI—XVII ст. пачынаецца працэс моўнай [[культурная асыміляцыя|асыміляцыі]] літоўскіх татараў, спрычынены міжнацыянальнымі шлюбамі, адсутнасьцю цюрскае мовы ў рэлігійным жыцьці (у якасьці літургічнае мовы карысталі [[арабская мова|арабскую]]) і выкарыстаньнем іншых моваў ([[старабеларуская мова|старабеларуская]], [[польская мова|польская]]) на месцы службы прадстаўнікоў гэтай этнічнай групы. Тым ня менш, у сьвецкім і рэлігійным ужытку працягвала выкарыстоўвацца [[арабскае пісьмо]] (якім на старабеларускай і польскай мовах запісваліся важныя для татараў тэксты, гл. ''[[кітабы]]'') і араба-[[пэрсыдзкая мова|пэрсыдзкая]] культурная [[лексыка]] (апошняя — прыкладна да ХХ ст.). Цюрскія запазычваньні існуюць у сучаснай [[беларуская мова|беларускай]] мове і маюць прадстаўленьне ў [[тапаніміка|тапаніміцы]] [[Беларусь|Беларусі]] (у асноўным прадстаўляюць сьляды пасяленьня татараў, напрыклад, [[КойданаваКойданаў]]).