Вераніка Себасьцяновіч

Вэраніка Сэбасьцяновіч (Вераніка Себасьцяновіч, па-польску: Weronika Sebastianowicz) - вэтэран “Арміі Краёвай”, вязень ГУЛАГ, удзельніца Зьвяза палякаў Беларусі, фігурантка некалькіх скандалаў, зьвязаных зь яе польскай дзейнасьцю.

Вэраніка Сэбасьцяновіч нарадзілася ў Мастоўскім раёне. У канцы 40-х - пачатку 50-х яна была сувязной польскіх нацыяналістычных партызанаў на тэрыторыі БССР. У 1951 г. яе арыштавалі савецкія ўлады і асудзілі на 25 гадоў увязьненьня. Яна правяла ў савецкім лягеры чатыры гады і выйшла на свабоду пасля сьмерці Сталіна.

У 2013 годзе Сэбасьцяновіч была асуджаная да штрафу за арганізацыю ўсталяваньня крыжа ў памяць пра баявікоў “Арміі Краёвай”. У 2014 яна была перад судом за нібыта кантрабанду гуманітарнай дапамогі для вэтэранаў АК.

Вэраніка Сэбасьцяновіч мае некалькі польскіх дзяржаўных узнагародаў і вайсковы ранг палкоўніка польскага войска.

Выказваньні

Вэраніка Сэбасьцяновіч вядомая правакацыйнымі публічнымі заявамі па тэме Беларусі і выказваньнямі на карысьць вяртаньня Заходняй Беларусі ў склад Польшчы, у тым ліку зробленымі ў польскім Сэнаце.

У 2015 годзе, на 95-х угодках Бітвы на Нёмане, Сэбасьцновіч прывітала ўдзельнікаў словамі “прыехала сюды з польскіх Крэсаў, часова акупаваных Беларусьсю”.

Po nabożeństwie dziękczynnym głos zabrali honorowi goście uroczystości, między innymi kpt. Weronika Sebastianowicz. – Przybywam tu z polskich Kresów, tymczasowo okupowanych przez Białoruś – przywitała zgromadzonych na cmentarzu pani kapitan, wywołując prowokacyjnym oświadczeniem entuzjastyczny aplauz, zwłaszcza wśród zgromadzonej na uroczystościach młodzieży.

У верасьні 2018 г. у этэры польскай тэлевізіі яна заявіла: “Мы на Крэсах чакаем вяртаньня ў Польшчу, як дзеці адзінай маці”.