Завадатар

Завадатар (важаты) — педагог, які працуе з дзіцячым калектывам ці аб'яднаньнем. Упершыню паняцьце і сам тэрмін зьявіўся ў 1922, у дачыненьні да дзіцячай Піянерскай арганізацыі CCСР. Так тады звалі кіраўніка піянерскага атрада. У Савецкім саюзе склад завадатараў для піянерскіх летнікаў фармаваўся з камсамольцаў (чальцоў ВЛКСМ).

Выхавацелі, завадатары і выхаванцы летніка «Грунвальд», 1990 г.

З 1991 г., пасьля роспуску Піянерскай арганізацыі, тэрмін не мае нарматыўнага вызначэньня.

Для агульнаадукацыйных устаноў уведзена пасада «Старэйшага завадатара», які працуе з дзіцячымі грамадзкімі аб'яднаньнямі. Але для загарадных дзіцячых аздараўленьчых летнікаў і іншых устаноў адпачынку і аздараўленьні дзяцей пасада агульнаўжывальная і ў паўсядзённай маўленчай практыцы часьцей замяняе больш правільныя найменьні пасад «выхавальнік» ці «педагог-арганізатар».