Брамнік: розьніца паміж вэрсіямі

 

== Брамнікі ў розных відах спорту ==

 

=== Хакей зь мячом ===

У [[хакей зь мячом|хакеі зь мячом]] брамнік гуляе бяз клюшкі ў межах штрафной плошчы (паўкруга радыюсам 17 м). Касьцюм брамніка па колеры павінен адрозьнівацца ад касьцюма астатніх гульцоў каманды. Брамніку дазваляецца для засьцярогі ад удараў пры падзеньні й прамым трапленьні мяча апранаць ахоўнае экіпіяваньне, а таксама спэцыяльныя шчыткі, якія шчыльна абліпаюць ногі. Для абароны кісьцей дазваляецца апранаць спэцыяльныя пальчаткі, але пальцы пальчатак брамніка павінны быць падзеленыя й не павінны мець паміж сабой перапонак або пастак. Дазваляецца на пальчатку наляпляць пласт [[Губка|губкі]], [[паралон]]у або іншага матэрыялу, які не павялічвае іх памераў. Брамнік таксама павінен быць на [[Канькі|каньках]] і ў [[шлем]]е. Выкарыстаньне брамнікам ахоўнай маскі зьяўляецца абавязковым.

 

=== Хакей з шайбай ===

У [[хакей з шайбай|хакеі з шайбай]] брамнік носіць спэцыяльнае экіпіяваньне, якое складаецца з маскі, шчыткоў, пасткі й спэцыяльнай [[клюшка (хакей з шайбай)|клюшкі]]. Брамнік можа прыціскаць шайбу да лёду або заціскаць яе ў пастцы, каб спыніць гульню. Напад на брамніка гульцамі каманды суперніка лічыцца парушэньнем.

 

=== Воднае пола ===

У [[воднае пола|водным пола]] брамнік можа чапаць мяч двума рукамі, дакранацца крыса басэйна й удараць мяч кулаком на адлегласьці 4-х мэтраў ад варот. Таксама брамнік можа забіваць галы, аднак яму пры гэтым забараняецца пераплываць на чужую палову поля.

 

 

[[Катэгорыя:Спартовыя пазыцыі]]