Тэрыторыя Люксэмбургу ў часы [[Старажытны Рым|Рымскай імпэрыі]] ўваходзіла ў склад правінцыі ''[[Бэльгіка'']], а ў [[Сярэднявечча]] ў ''Франкскае каралеўства''. З [[10 стагодзьдзе|Х стагодзьдзя]] стала часткай графства ''Люксэмбург'', якое ў [[15 стагодзьдзе|ХV стагодзьдзі]] трапіла пад уладу [[Габсбургі|Габсбургаў]] і стала адной з правінцыяў Нідэрляндаў. У [[1714]]—[[1794]] гадах Люксэмбург знаходзіўся ў складзе [[Аўстрыя|Аўстрыі]]. Згодна з рашэньнем ''Вэнскага кангрэсу'' [[1814]]—[[1815]] гадоў было ўтворана ''Вялікае княства Люксэмбург'' у складзе ''Германскага Зьвязу'' і ў асабістай уніі зь ''Нідэрляндзкім каралеўствам''. Сучасныя межы Люксэмбургу ўсталяваныя ў [[1839]] годзе бэльгійска-нідэрляндзкай дамовай. Пасьля ліквідацыі Германскага Зьвязу Люксэмбург быў абвешчаны нэўтральнай дзяржавай. Аднак і ў [[Першая сусьветная вайна|Першую]], і ў [[Другая сусьветная вайна|Другую]] сусьветныя войны краіна была акупаваная нямецкімі войскамі.
