'''Пасэйдон''', ({{мова-el|Ποσειδών}}) — Бог мораў. Сын [[Кронас]]а і [[Рэя|Рэі]].
Пасэйдон быў змушаны прызнаць вяршэнства [[Зэўс]]а, але лічачы сябе роўным яму, выступіў супраць разам з [[Гера|Герай]] і [[Афрадыта|Афрадытай]], але патрываў паразу і быў выратаваны [[Фетыда|Фетыдай]]. Пры падзеле сьвету яму дасталіся моры. Паступова Пасейдон адціснуў старажытных мясцовых багоў мораў: [[Нярэй|Нярэя]], [[Акіян, бог|Акіяна]], [[Пратэй|Пратэя]] і іншых. Пасэйдон са сваёй жонкай [[Амфітрыта|Амфітрытай]] і сынам [[Трытон|Трытонам]] жылі ў раскошным палацы на дне мора ў асяродзьдзі [[Нэрэіды|нэрэід]], [[Гіпакампус|гіпакампаў]] і іншых насельнікаў мора, імчаўся па моры на калясьніцы, запрэжанай даўгагрывымі канямі, з трызубцам якім выклікаў буры, разьбіваў скалы, выбіваў крыніцы і г. д. Пасэйдон разам з [[Апалён]]ам узьвёў сьцены ў [[Троя|Троі]], а калі цар [[Лаамедонт]] не аддаў ім абяцанага поплатка, наслаў на горад марскіх пачвар, якія елі людзей. У [[Траянская вайна|Траянскай вайне]] ён быў на баку [[Ахейцы|ахейцаў]]. Затым Пасэйдон перасьледваў [[Адысей|Адысея]] за тое, што той асляпіў яго сына [[Паліфем|Паліфема]]. Ударам трызубца Пасэйдон разьбіў скалу і загубіў Аіліда. Пасэйдон лічыўся заступнікам конегадоўлі і меў мянушку Гіпій (Конны). У яго гонар уладкоўвалі [[Істмійскія гульні]] з коннымі рысталішчамі. Культ Пасэйдона быў шырока распаўсюджаны ва ўсёй [[Старажытная Грэцыя|Грэцыі]], асабліва ў прыбярэжнай частцы і на выспах. Яго храмы стаялі на высокіх мысах і пярэсмыках. Сьвятымі жывёламі Пасэйдона былі конь, дэльфін, бык; сьвятым дрэвам — хвоя. Адлюстроўвалі яго магутным мужам, як правіла, з трызубцам у руцэ. У рымлян атаясамляўся з Нэптунам.
