'''Барыс Абрамавіч Беразоўскі''' (нарадзіўся [[23 студзеня]][[1946]], [[Масква]], [[Расея]] — [[23 сакавіка]][[2013]], Аскот, [[Вялікабрытанія]]) — расейскі прадпрымальнік і палітычны дзяяч, навуковец-матэматык, уваходзіў у найбліжэйшае асяродзьдзе [[Барыс Ельцын|Барыса Ельцына]], палітычны апанэнт [[Уладзімер Пуцін|Уладзімера Пуціна]].
З [[20 верасьня]][[2001]] году знаходзіўся ў вышуку ў [[Расея|Расеі]] па абвінавачваньні ў махлярстве, адмываньні грошай, спробе гвалтоўнага захопу ўлады. У апошнія гады жыцьця пражываў ў [[Вялікабрытанія|Вялікабрытаніі]] ў якасьці палітычнага ўцекача. З [[2003]] году меў брытанскі дакумэнт (''Travel document'') на імя Платона Яленіна ({{мова-ru|Платон Еленин}})<ref>Сваё рашэньне Беразоўскі растлумачыў так: Платон — імя галоўнага героя (прататыпам якога зьяўляўся сам Беразоўскі) фільма [[Павал Лунгін|Паўла Лунгіна]] — «[[Алігарх (фільм)|Алігарх]]»; Алена ({{мова-ru|Елена}}) — імя жонкі Беразоўскага.</ref>. Зьяўляўся грамадзянінам [[Расея|Расейскай Фэдэрацыі]]. У 1996 годзе адмовіўся ад грамадзянства [[Ізраіль|Ізраілю]]<ref>[http://www.newsru.co.il/arch/world/03mar2006/berezov.html Березовский заявил, что не намерен вновь просить гражданства Израиля (рас.)]</ref>.
У [[1997]] годзе часопіс [[Forbes]] ацэньваў яго стан у 3 млрд даляраў. Напрыканцы жыцьця фінансавае становішча Беразоўскага значна пагоршылася. Ён накапіў значныя пазыкі, яму давялося звольніць памочнікаў, амаль усю ахову і выставіць на продаж некалькі дамоў, якія яму належалі.