'''Тэнцынг Норгэй''' (нар. [[15 траўня]][[1914]] году — пам. [[9 траўня]][[1986]] году) — [[нэпал]]ьскі [[шэрпа]], які нарадзіўся ў Кхумбу, разам з [[Эдмунд Гілары|Эдмундам Гілары]] [[29 траўня]][[1953]] году зьдзейсьніў першы ўзыход на [[Эвэрэст]] — самую вялікую гару на [[Зямля|Зямлі]].
У [[1935]], [[1936]] і [[1938]] г.г. Тэнцынг працаваў як праваднік для брытанскіх экспэдыцый, якія спрабавалі скарыць Эвэрэст з тыбэцкага, паўночнага боку. У [[1951]] годзе ён браў удзел, у якасьці правадніка ў францускай экспэдыцыі на гару [[Нанда Дэві]]. Ён лічыў гэтую экспэдыцыю самай складанай у сваім жыцьці. У [[1952]] годзе браў удзел у двух швайцарскіх экспэдыцыях на Эвэрэст і пад час адной зь іх, разам з ''Р. Ламбэртам'' дасягнуў рэкорднай вышыні — 8600 м.
У [[1953]] годзе Норгэй узяў удзел у брытанскай экспэдыцыі на Эвэрэст, пад кіраўніцтвам ''Джона Ханта'' і 29 траўня, разам з Эдмундам Гілары дасягнуў вяршыні. За гэтае ўзыходжаньне Тэнцыг Норгэй быў узнагароджаны ''Нэпальскай Зоркай'' — вышэйшай узнагародай Нэпала і мэдалём ''Георга VІ'' (брытанскай узнагародай).
[[Файл:Tenzing norgay statue.jpg|left|міні|Статуя Норгэю ў Нэпале]]