|
[[Файл:Czarapuk071101.jpg|міні|200пкс|Янка Чарапук-Змагар, сябра 4-й ступені сьвецкага Ордэну Рыцараў Калюмбу]]
'''Янка Чарапук''' (псэўд. ''Змагар''; [[12 жніўня]] [[1896]], в. [[Новы Двор (Польшча)|Новы Двор]], [[Сакольскі павет]] — [[16 лістапада]] [[1957]], [[Чыкага]], [[ЗША]]) — беларускі грамадзка-палітычны дзеяч, арганізатар беларускага жыцьця ў [[Чыкага]] ([[ЗША]]).
== Біяграфія ==
Навучаўся на юрыдычным факультэце Пецярбурскага ўнівэрсытэту.
Супрацоўнік Міністэрства замежных справаў [[Украінская Народная Рэспубліка|Украінскай Народнай Рэспублікі]], чалец Беларускай Рады ва Ўкраіне ў [[1918]] годзе. Напрыканцы [[1918]] — сакратар Цэнтральнай Беларускай Рады Віленшчыны і Гарадзеншчыны. Сябра [[БПСР]].
З канца [[1919]] жыў у [[Рыга|Рызе]]. Сакратар Беларускай Вайскова-дыпляматычнай місіі [[БНР]] у [[Латвія|Латвіі]] й [[Эстонія|Эстоніі]]. Сябра Народнай Рады БНР. Удзельнік Беларускай нацыянальна-палітычнай канфірэнцыі ў Празе ў [[1921]] годзе. У [[1922]] — выехаў у [[ЗША]]. Жыў у [[Чыкага]].
Ад [[1936]] году да пэнсіі працаваў у дрэваапрацоўчай кампаніі «''Chicago and Riverdale Lumber Company''».
Адзін з ініцыятараў стварэньня Беларускага народнага камітэту ў штаце Ілінойс, Беларуска-Амэрыканскага нацыянальнага клюбу. Уваходзіў у міжнародную каталіцкую арганізацыю «Рыцары Калюмба» (меў вышэйшую ступень). У пачатку [[1950-я|1950-х гадоў]] падтрымліваў [[Беларуская цэнтральная рада|Беларускую цэнтральную раду]].
Сябра 4-й ступені сьвецкага [[Рыцары Калюмбу|Ордэну Рыцараў Калюмбу]]. Сын Адрыян загінуў [[16 ліпеня]] [[1950]] ў Карэі.
== Дадатковыя зьвесткі ==
* У [[1949]] жонка ''Клара Змагар'' (менавіта пад гэтым прозьвішчам яна зафіксавана ў судовых паперах), 53 гадоў, падала на развод. Яна адсудзіла сабе сямейны дом на Прынстан Авэню коштам у $20 000, дом, які гаспадар мусіў пакінуць у 24 гадзіны з $500, выплачанымі жонкаю, ужо былой, у якасьці кампэнсацыі за супольную маёмасьць, таксама былую<ref>Лявон Юрэвіч. Сьвет эміграцыйнага эпісталярыю // [[ARCHE]] 3-2001</ref>.
* [[6 кастрычніка]] [[1955]] па дарозе на чарговае паседжаньне «Рыцараў Калюмбу» Чарапук быў зьбіты аўтамабілем. Апынуўся ў шпіталі са зламаным каленам. Ляжаў больш за тры месяцы, потым, пасьля апэрацыяў, яго выпісалі дахаты, але само лячэньне заняло яшчэ блізу году. Магчыма, гэтае здарэньне падштурхнула яго [[12 сьнежня]] [[1955]] да напісаньня [[тэстамэнт]]у: «''Я маю гонар Вас прасіць у выпадку маёй сьмерці выпаўніць ніжэйпададзенае: я хачу быць пахаваным на ўкраінскім каталіцкім цэментары. Жалобнае набажэнства павінна быць адпраўлена ў рымска-каталіцкім касьцёле (нягледзячы да якой народнасьці належыць)… Каб маліліся сьвятар-беларус і сьвятар-украінец. Я ў труне хачу быць убраны як 4 Degree Knights of Columbus. Труна павінна быць пакрыта беларускім дзяржаўным сьцягам. Пастаўце скромны помнік: Ян Чарапук-Змагар, Беларус. 1896—195…''»<ref>[http://www.radioracja.pl/navina.html?&tx_ttnews%5Btt_news%5D=7013&tx_ttnews%5BbackPid%5D=1&tx_ttnews%5Bpointer%5D=1&cHash=95422fda3b Каляндар Рацыі. 16 лістапада] // [[Радыё Рацыя]], 16-11-2007</ref>.
== Крыніцы ==
| 