Грамадзянская вайна ў Емэне: розьніца паміж вэрсіямі
Створана старонка са зьместам ''''Грамадзянская вайна ў Емэне'''<ref>https://tvrain.ru/articles/chto_proishodit_v_jemene_kratkaja_predystorija_-...' |
(Розьніцы няма)
|
Вэрсія ад 16:37, 5 кастрычніка 2017
Грамадзянская вайна ў Емэне[1] — узброены канфлікт у Емэне паміж урадавымі войскамі ды хусытамі.
Перадгісторыя й прычыны
У пачатку 2004 року адбылося паўстаньне шыітаў на поўначы краіны з мэтаю аднаўленьня тэакратычнай манархіі, якая была ў Паўночным Емэне да вайсковага перавароту 1962 року, а таксама супраць палітычнага хаўрусу Емэну са Злучанымі Штатамі.
У 2009 року распачаліся баявая дзеяньні паміж шыітамі ды урадавымі войскамі Емэну ды Саудаўскай Арабіі. Кіраўніцтва Емэну абгрунтавала ўварваньне Саудаўскай Арабіі сьмерцяй двух памежнікаў, забітых паўстанцамі.
У 2010 року было заключана замірэньне.
Але ж у 2011 року сытуацыя пачала пагаршацца: сутыкненьні паміж шыітамі й сунітамі аднавіліся. На тэрыторыі Емэну чынна распачала дзеяньні Аль-Каіда.
Храналёгія падзеяў
2 лютага — 9 ліпеня 2014 ішла бітва за Амран, якая скончалася перамогаю хусытаў. з 16 па 21 верасьня 2014 рокуішла бітва за Сану (Сталіцу Емэну). Бітва скончалася перамогаю паўстанцаў.
15 лютага 2015 року хусыты распачалі аблогу Адэну.
З прычыны пасьпяховых дзеяньняў паўстанцаў 26 лютага 2015 року кааліцыя арабскіх дзяржаваў на чале з Саудаўскай Арабіяй распачало інтэрванцыю ў Емэн.
з 25 сакавіка па 22 ліпеня 2015 року ішла бітва за Адэн паміж хусытамі й сіламі арабскай кааліцыі. 22 ліпеня хусыты былі канчаткова вытулены з Адэну.
8 верасьня 2015 року да вайны на баку емэнскага ўраду супраць хусытаў далучыўся Кувэйт.
16 ліпеня 2016 року ААЭ распачалі вывад сваіх вайскоўцаў з Емэну.
5 чэрвеня 2017 року Катар спыніў усялякія баявыя дзеяньні на тэрыторыі Емэну з прычыны абвінавачваньні Катару ў падтрымцы тэрарызму.