Дабравесьце новага стагодзьдзя: розьніца паміж вэрсіямі

У 2015 року, празь пятнаццаць гадоў ад глябальнай катастрофы, называнай Другім ударам, [[Гэнда Ікары]], кіраўнік ваенізаванай спэцгрупы «Нэрв», прыводзіць свайго сына, падлетка [[Сыньдзі Ікары]], у футурыстычнае места Токіё-3. Сыньдзі становіцца сьведкам бітвы сілаў [[ААН]] супраць Анёла, аднаго з прадстаўнікоў расы пачвараў, абуджэньне якіх было прадказанае [[Скруткі Мёртвага мора|скруткамі Мёртвага мора]]. Анёлы валодаюць амаль непрабівальнымі сілавымі шчытамі, адолець якія можа толькі спэцыяльная зброя «Нэрву»: гіганцкія [[біяробат]]ы [[Эвангеліён (мэха)|Эвангеліён]]ы, якія кіруюцца нэрвовымі імпульсамі сваіх пілётаў і валодаюць уласнымі сілавымі шчытамі. Афіцэр «Нэрву» [[Місата Кацурагі]] суправаджае Сыньдзі уў падземны комплекс арганізацыі, дзе ягоны бацька прымушае да кіраваньня Эвангеліёнам №01 у змаганьні з Анёлам. Непадрыхтаваны Сыньдзі хутка агаломшаны ў бітве, аднак ягоны Эвангеліён у лютасьці сам па-барбарску забівае Анёла.