[[Файл:Helsingborg Magnus Stenbock staty.jpg|міні|зьлева|Гэльсынгборг. Помнік Магнусу Стэнбоку каля Ратушы]]
[[Файл:Helsingborg Kaernan.jpg|міні|зьлева|Гэльсынгборг. Вежа Чэрнан.]]
Гэльсынгборг — адзін з найстаражытнейшых гарадоў [[Скандынавія|Скандынавіі]], лічыцца што забудова ў форме невялікай фартэцыі існавала тут ужо ў [[10 стагодзьдзе|X стагодзьдзі]].
[[Адам Брэмэнскі]] ўзгадвае горад у [[1070-я|1070-х]] гадах, а 21 траўня 1085 году Гэльсынгборг згадваецца ў лісьце [[Данія|дацкага]] караля [[Кнут Сьвяты|Кнута Сьвятога]] — гэтая дата й зьяўляецца афіцыйнаю датай заснаваньня гораду. У [[12 стагодзьдзе|XII стагодзьдзі]] тут пабудавалі значна мацнейшы замак, горад пачаў расьці й у [[14 стагодзьдзе|XIV стагодзьдзі]] Гэльсынгборг становіцца адным з найбуйнейшых гарадоў [[Данія|Даніі]]. У [[1332]] годзе горад разам з усім Сконэ й Блекінге набыў швэдзкі кароль [[Магнус Эрыксан]], аднак ужо ў [[1360]] годзе дацкі кароль [[Вальдэмар Атэрдаг]] зноў адваяваў гэтыя землі. У XV—XVI стагодзьдзях значнасьць Гэльсынгборгу паменшылася са зьяўленьнем на супрацьлеглым беразе [[Эрэсунд]]у замка [[Кронборг]] у горадзе [[Гэльсынгёр]]. У [[1658]] годзе Гэльсынгборг пераходзіць [[Швэцыя|Швэцыі]] й у бліжэйшыя паўстагодзьдзі пабачыў шмат войнаў: у прыватнасьці, у [[1710]] годзе, у часе [[Вялікая Паўночная вайна|Вялікай Паўночнай вайны]] тут швэдзкая армія [[Магнус Стэнбок|Магнуса Стэнбока]] перамагла датчанаў.
У [[19 стагодзьдзе|XIX стагодзьдзі]] горад паступова пачынае расьці. У [[1892]] годзе Гэльсынгборг і Гэльсынгёр былі злучаныя паромам, прычым гэты транспарт злучае два гарады й дасёньня. У [[1921]] годзе ў Гэльсынгборгу адчыніў свае дзьверы першы ў [[Швэцыя|Швэцыі]] гарадзкі тэатар, які, дарэчы, у [[1944]] годзе ўзначальваў [[Інгмар Бэргман]]. [[15 верасьня]][[1973]] годзе ў мясцовым шпіталі памёр кароль [[Густаў VI Адольф]].
