Назва гораду паходзіць ад летувіскага слова «''šaulys''», якое азначае стралок. Хутчэй за ўсё ў навакольных мясьцінах, каля возера [[Тальс]], знаходзілася паселішча паляўнічых, якія палявалі тут у сярэднявеччы на дзікіх зьвяроў. Назва ''Šiauliai'' упершыню зьяўляецца ў [[1236]] годзе ў сувязі з адбыўшайся тут [[Бітва пад Шаўлямі|бітвай]] паміж жамойтамі і войскам [[Лівонскі ордэн|Лівонскага ордэна]]. З [[1413]] да [[1795]] году Шаўлі былі сталіцай [[Жамойцкае княства|Жамойцкага княства]].
Як горад Шаўлі ўспамінаюцца ў грамаце [[Сігізмунд Стары|Сігізмунда Старога]] ў [[1524]] годзе. Гарадзкі прывілей горад атрымаў у [[1569]] году, а з [[1589]] году тут была ўсталявана каралеўская эканомія, г.зн. увесь прыбытак гораду шоў на кошт караля. Да [[1795]] году Шаўлі ўваходзілі ў склад [[ВКЛ|Вялікага Княства Літоўскага]].
== Выбітныя асобы ==
* [[Іван Луцкевіч]] ([[1881]]—[[1919]]1881—1919) — адзін з пачынальнікаў [[беларускае нацыянальнае адраджэньне|беларускага нацыянальнага адраджэньня]] ў ХХ ст., беларускі археоляг.
* [[Антон Луцкевіч]] ([[1884]]—[[1942]]1884—1942) — адзін з пачынальнікаў [[беларускае нацыянальнае адраджэньне|беларускага нацыянальнага адраджэньня]] ў ХХ ст., гісторык, літаратуразнаўца, публіцыст.
